هنتطلق امتا

 هنتطلق امتى 
لسه مصممه يعني
هو احنا اللي نعيده نزيده كل شويه نتكلم ف الموضوع ده
بس انا بحبك ومش عايز اطلقك
وانا مينفعش اعيش مع واحد خاېن
والله كانت نزوة وتوبت والله توبت
مش مصدقاك.. اللي فيه عادة مبيغيرهاش.. وعموما ربنا اللي بيقبل بالتوبة مش انا.. بعد اذنك
سيبته ودخلت اوضتي وانا قلبي پينزف.. اتمنيت يمسك ايدي ويطمني.. كنت عايزه احس ولو لمرة واحده انه فعلا عايزني وبيحبني بس انا مشوفتش منه غير الخيانه.. رغم قساوة معاملتي ليه بس قلبي اتمرد عليا ومرضاش يقسى عليه

نجمة انتي لسه صاحيه 
افندم 
ممكن ادخل 
قول اللي عايز تقوله من ورا الباب
انا موافق اننا نتطلق ي نجمة.. مقدرش اعيشك معايا مجبورة حتى لو ده ع حساب حبي ليكي.. بكره هنتمم كل حاجه.. تصبحي ع خير
هيطلقني خلاص هيطلقني بعد ما خد مني كل مشاعري وحبي هيطلقني بعد ما كسرني وحتى معرفش يصلح الكسر ده.. ياريتنا اتخلقنا من غير قلب وكان لا يبقي في كره أو حب
نمت بعد ما قالي كده نمت واتمنيت اني مصحاش.. نمت نومه طفلة صغيرة بتحاول تهرب من المدرسة ومش عايزه الصبح يجي عليها
_________________________
صباح الخير ي نجمة.. ممكن ادخل 
... 
نجمة انتي صاحيه ولا لسه نايمة 
... 
هي مبتردش ليه.. انا كده قلقت.. لو دخلت هتزعق.. بس ممكن يكون حصلها حاجه.. انا هدخل بقي واللي يحصل يحصل 
دخلت ولقيتها مرمية ع الارض قلبي اتخلع من مكانه.. جريت بلهفة وقعدت اصحي فيها مفيش اي استجابة.. انا لازم اجيب الدكتور لاااازم
............. 
طمني ي دكتور ايه اللي حصلها 
متقلقش ي استاذ نادر ده إغماء بسيط عشان الحمل وهي دلوقتي نايمه 
ايه حمل!! 
اه انت متعرفش ولا ايه المدام حامل ف الشهر التاني.. ديه شوية فيتامينات تاخدهم بانتظام بعد اذنك
الدكتور مشي وانا تايه.. نجمة حامل.. انا مش مصدق نفسي اكيد انا ف حلم وهصحي اه هصحي اهو.. نجمة حامل حااامل هيييه هبقى اب الحمد لله يارب
فضلت اتنطت من الفرحة بس فرحتي مكملتش لما افتكرت اننا هنتطلق النهارده.. لا مستحيل تكون ديه النهايه.. مستحيل أطلقها حتى لو كرهتني
_________________
مبروك ي نجمة
ايه طلقتني ولا ايه
يعني انا هكون فرحان كده لو طلقتك
عادي انا اتوقع منك اي حاجه
مبروك ي نجمة انتي حامل
ما انا عارفه
عارفه ومقولتليش !!!
اه واعرفك ليه انك هتبقى اب تستاهل ده يعني ابني اللي هيجي ميستحقش يتولد ويلاقي عنده اب خاېن زييك.. وللأسف انت عرفت لما تعبت لولا كده مكنتش هتعرف ابدا
كفايه بقي هو انتي اييييه.. قلبك ده ايه حجر.. قولتلك توبت وندمااان مفيش حد مبيغلطش ربنا نفسه بيسامح انتي مش هتسامحيني
حلو اوي فعلا مفيش حد مبيغلطش بس تعالي نبدل كده الأدوار يحضرة الرائد.. تقفشني مع واحد ف نايت كلوب وانا قاعده ف ومفيش داعي اوصف اكتر من كده انت عارف.. ها ايه رد فعلك ي استاذ نادر. ردد علياااا ساكت ليه
نجمة انا عارف اني غلطت وذنبي كبير بس والله توبت من قلبي ومستحيل اعمل كده تاني والله
مبقاش ينفع.. لو سمحت ورقتي تجيلي النهارده
يعني برضو مصممه ع اللي ف دماغك.. طب مش مطلقك ي نجمة ووريني بقي هتعملي ايه
سابلي البيت وخرج.. حسيت بفرحة كده لما رفض يطلقني يمكن عشان لسه بيحبني.. لا عشان عرف اني حامل.. اكيد عشان انا حامل لولا كده كان هيطلقني النهارده
لمېت هدومي ورجعت بلدنا ف الصعيد وسبتله رساله اني مشيت وحضرتله غدا قبل ما امشي.. مهما عمل برضو هو لسه جوزي وقبل كل ده بيكون ابن عمي 
ف الصعيد
ي حضرة العمدة ي حضرة العمدة الست نجمة وصلت
نجمة! ايه اللي چابها عاد.. خد منها الشنط وشيل عنها ي ولد
أمر جنابك
____________
ازيك ي عمي وحشتني اوي
حبيبة عمك انا كمان اتوحشتك جوي.. ايه اللي چابك فجأه أكده
مكنتش عايزني اجي بيتي ولا ايه ي عمي
انتي نورتي بيتك ي بت اخوي.. تچي ف اي وقت.. اومال نادر مجاش معاكي ليه
ممكن بس اطلع انام