قصه جديده

أسود هو دة لبسي الفترة الجاية ..لبست درس أسود و لبست نظارة سودا!
دخلت الجامعة لقيته مقرب كالعادة و هو بيهددني
هندمك على إل عملتيه
قلعت النظارة و بانت عيني المتورمة من كتر العياط و بصيتله بسخرية و أنا صوتي بدأ يعلى
تندمني! تندمني على أية!
أنا إل هندمك أنت ..أنت دمرتني! ډمرت حياتي! أنت خطړ فى حياة أي حد
بصلي بإستغراب
على فكرة بهزر ..زي كل مرة!
هزار و أنت تعرف أية فى الهزار أنت عبارة عن دمار فى حياة كل شخص! 
أنت مدمر و لو شايف أنك كويس فأحب أقولك أنك فاشل
أنت فاشل وملكش قيمة و عمرك ما هتكون حاجة فى حياتك 
أنت نكرة أنت خطړ فى حياة الناس كلها و عارف لية حبيبتك سابتك عشان فاشل و متساهلش متستهلش حاجة خالص أنت دمرتني
سمعت صوت جاية من ورايا
بس بقا..!
لفيت و لقيته بابا أنت ممتوتش
يتبع.
أتنكر_ما_بي 1
فدوى_خالد.
ملحوظة
ياريت يا جماعة لو مش قد الحواز و المسئولية و الولاد و الحياة الزوحية بشكل عام متتجوزوش ..مش ذبنهم حاجة ولادكم ..و الله ما ليهم ذنب خاالص.
الجديد تفاعل بقا ..
أتنكر_ما_بي 2 
لفيت و لقيته بابا أنت ممتوتش
يعني أية الدنيا هتسود فى وشي تاني هو رجع ينتقم مني 
الرؤية بقيت ملغوشة قدامي مشفتش حاجة و وقعت و أنا مش دارية بالدنيا كل إل كان فى دماغي هو هينتقم مني!
هو رجع ينتقم مني
لية 
لية كدة! لية كل مرة أحاول أتخطى الموقف دة و هو يدمرني أكتر!
هو كمان مش مكفيه دماري بس ازاي ازاي يرجع تاني للحياة
أكيد كل دة تهيأت!
فتحت عيني ببطئ و لقيت الأوضة فيها مراد و ..و ...ب..بابا...صړخت و أنا بترجاه يبعد
أرجوك ..أبعد و النبي أبعد عني ك..كفاية ك..كفاية دمار لحياتي حياتي خلاص ..هتنتهي كفاية
قعد أرجع لحد ما خبطت فى الحيطة و كورت نفسي و أنا بحاول أبعد ..أبعد عن أذاه بس لحظة..!
أنا مكنتش بحلم هو حقيقي!
لقيته قرب مني و هو و بيحاول يهديني و يقول
أهدي ..أنا مش والدك أنا عمك بس تؤام والدك و للأسف والدك كان رافض جدا أني أكلمك أو أقولك أي حاجة أو حتى يعرفك!
الجملة دي هديتني بس أكيد هو زي بابا
لقيته ابتسم و هو بيقولي
أنا والدك شخصيتين متناقضتين فمټخافيش!
حسيت بشوية إطمئنان من ناحيته لقيته وقف و مد إيده
قومي ارتاحي شوية مش هينفع كدة عشان صحتك!
مديت إيدي بس رجعتها وقومت لوحدي مش عايزة حد فى حياتي يساعدني كدة أو كدة أي شخص فى حياتي بحبه بېموت علطول...و بعدين احتمال كبير يكون زي بابا!
وقفت قدامه و لأني كنت بفكر كتير و لسة خاېفة منه أو بالأصح مش متقبلة الواقع و أن فى نسخة تانية منه حتى لو اختلفت الشخصيات بصيت له بتهب و بعد كدة أغمى عليا..!
صحيت تاني يوم ..حاسة أن النهاردة أنا كويسة لقيت عمي جمبي و ست كبيرة ملامحها بشوشة و بنت فى سني كدة ..على حد اعتقادي بس ثانية! هو راح فين
كان موجود أمبارح!
فوقت على صوت عمي و هو بيكلمني
أنا بقا اسمي محمد و دي مراتي روحية و نور بنتي فى كلية تجارة.
ابتسمت له بهدوء فكمل
حاولت أعرف عنوانك و أعرف أكلمك بس للأسف باباك قبل ما ېموت مكنش معرف حد عن مكانك ولا راضي بزيارات حتى نطمن عليك.
ابتسمت بسخرية مش عارفة لية هو كان حياتي
هو مصدر دمار ..دمار دمر حياتي و خلاني أنطوائية و خلاني أنعزل من الناس كلها حتى سيرته ..محدش شكر فيه خالص!
اتنهدت و أنا برد ببرود
خلاص ..اتقبلنا نعم!
بصلي بإستغراب و أتكلم
كنت عايز أطمن عليك.
و أطمن و خلاص مفيش داعي أنك تبقى موجود أكيد محتاج فلوس من أخوك صح!
عايز كام و تبعد ما هو مش هرتاح من مشاكل أبوك و تطلعلي أنت بمشاكلك.
حس بإحراج من كلامي و نظرات مراته و بنته رغم الهدوء إل فى ملامحهم كانوا عايزين ېقتلوني....بس كنت ثابتة بس ابتسم بهدوء و هو بيتكلم
أنا صحيح يا بنتي كنت بعيد و بعيد أوي بس و الله ما كان ليا ذنب ولا عمري كنت زي أبوك ولا عمري هكون الفكرة