اسكربيت صعيديه

صغير ودخلت ولقت صوره وهو كبير وعرفت انه بقا دكتور وملامحه اتغيرت وعينه العسلي ظهرت وكانت فرحانه انها شافته بس لقته منزل بوست وانه خطب البنت اللي بيحبها 
رزان قعدت تفتكر وټعيط 
وطلعت النوت بتاعتها وكتبت 
ممكن كان بإيدينا نفضل متمسكين بشخص قلبنا حبه لآخر عمرنا بس لما نلاقي الطرف التاني ساب ايدينا وقدر علي الفراق وكأنه مشتقاله عمرنا ما هنقدر نتمسك بالشخص دا تاني وكأن قلبنا فقد الشغف والأمل والحياة اللي كان بيتمناها فبعد 
روحت رزان ولقت الباب مفتوح وفيه شخص قاعد مع مامتها دخلت 
سلام عليكم
وعليكم السلام 
رزان وقفت مصدومه من اللي شافته ايوا هو مازن بس بسرعه عملت نفسها مش عارفاه
ماما انا اسفه مخدتش بالي إن فيه ضيوف
انتي رزان 
ايوا مين حضرتك
انا مازن ابن عمك مش فكراني ولا اي
اه لا بصراحه مش فكراك بس ممكن اعرف اي سبب الزيارة دي
معلش يا مازن رزان لسه داخله ممكن تقعد خمس دقايق وانا هادخل افهمها كل حاجه
تمام اتفضلي
دخلت مامتها 
ليه يا ماما جه هنا
اهدي ووطي صوتك عشان ميسمعش اسمعي جدتك تعبت وطلبت انها تشوفك لازم تروحيلها
ياااه افتكروني دلوقتي بعد اي
انتي احسن منهم بكتير لازم تروحي جدتك كانت بتحبك بس انتي عارفه جدك طبعه وحش
طب وانتي
مش هاعرف اروح عشان ميحصلش حاجه بس انتي لازم تروحي يومين علي الاقل ومازن هيوديكي ويجيبك مټخافيش
خلاص يا ماما يومين بس وخلي بالك من نفسك هكلمك
اكيد يا روحي يلا جهزي شنطتك
خرجت مامت رزان 
اسمع يا مازن انت عارف جدك عمل فينا اي زمان انا حاطه ايدي علي قلبي عشان رزان راحه هناك خلي بالك منها هي متعرفش حاجه هناك
متقلقيش يا مرات عمي رزان في عنيا
تسلم يا حبيبي.
انا جهزت
يلا
ودعت رزان مامتها وعيطت وبعدين نزلت
يلا اركبي
حاضر
رزان ومازن بيسوق العربيه شافت الدبله في ايده
هتفضلي ساكته كدا
اتكلم اقول اي
قولي اي حاجه احنا مكناش بنسكت الاول
دا كان زمان الايام بتغير
بس انتي اتغيرتي اووي
المواقف والصدمات قادرين يغيروا حاجات كتير فينا
انا عارف ان جدي غلط بس سامحيه
اسامحه ! اسامحه علي اي ولا اي جدك دمرلي حياتي انا عمري ما هانسي اللي عمله فيا وفي امي
وفينا
اه ويا تري عمل اي فيك بقا
فرقنا انا وانتي ومبقناش اصحاب زي الاول
اصحاب ! لا كان بإيدينا ندور علي بعض بس لو كنا مهمين في حياة بعض اه صحيح مبروك علي الخطوبه
الله يبارك فيكي عقبالك
ابتسمت رزان بۏجع
وصلنا اخيرا
نزلت رزان وهي بتفتكر كل لحظه قضتها هنا وبصت لمازن بس عينيها جت للحظه علي الدبله وافتكرت ورجعت للواقع
دخل مازن البيت ونادي عليهم وظهروا كلهم سلم مازن علي جده 
وبص لرزان
رزان سلمي علي جدك
فين جدتو انا مش شايفاها
واضح ان امك معلمتكيش كيف تحترمي الكبار
ردت رزان بصوت عالي نوعا ما وبطريقه تدل انها مش خاېفه منه
اتكلم عن ماما بطريقه كويس احسن ما هاتشوف مني ردت فعل عمرك ما شوفتها انا مش جايه عشان اشوفك اصلا ولا اشوف حد فيكم غير جدتي بس فبلاش نعمل الشو دا واحنا عارفين كويس اننا مش بنطيق بعض
والله عااال دي التربيه اللي اتعلمتيها يا بنت البندر
التربيه اللي بتتكلم عنها دي البيت بتاعكوا عمره ما شافها من اكبرهم لاصغرهم وبنت البندر