القصه كامله هنا روان الطهطاوي

وجلست بجانبه 
مساءك لذيذ
_الطم علي وشي الطم علي وشي 
اعصابك يحبيبي بدل ما يجيلك الضغط و السكر بدري و انت حلو و مقطقط كده 
ابتسم ابتسامه واسعه واثقه اخدتي بالك من االسويتشيرت
_اه حلوه اووي اوي بجد 
هو وقد غمرته السعاده حاسس اني هطلع ضوء الرينبو زي الكارتون 
انت بتقول ايه يعم انت انت بتقول ايه 
_يبنتي في الكرتون لما بيبقو مبسوطين بيطلعو ضوء رينبو.... ثواني انتي قصدك اا.. لا والله لا والله كمان مره لا 
_ايوه اظبط كده 
لا دنا راجل اووي 
_وسيد الرجاله يعم ولا يهمك بس انت ليه ملبسني زيك 
عادشي ملهوش علاقه بس حبيت نلبس زي بعض
ابتسمت.. فشرد هو مع ابتسامه هائمه علي وجهه 
مصطفي انت متأكد ان كلو تمام 
_اه طبعا اومال انت فاكر اي 
اصلك لسه مطلعتش بالعربيه و كده 
_... احم سرحت شويه 
طب يلا يا برو
وصلوا للمكان فسألت بتوتر 
احنا جينا هنا ليه يا مصطفي...
يتبع
رأيكم يا جدعان باللهوبجد شكرا ليكو اوي علي الريتش الجامد جموده بتاع البارت اللي فات شكرا اوي بجد 
البارت التالت
لما تطلعي هتعرفي 
نزلت من السياره وصعدت للطابق الاول بناء علي تعليمات مصطفي..ودخلت اللي المكان الذي اتضح انه صالون للتجميل.. ظلت تسير ببطئ لحين وجدت صديقة عمرها التي انفصلت عنها منذ سنه تقف امامها بعين دامعه وتقول 
النهارده فرحي.. ممكن تساعديني زي ما وعدتيني انك مش هتسيبيني اكون لوحدي اليوم ده 
اقتربت الاخري منها و بأشتياق كبير وهمست
_وحشتيني اوي يا ترنيم 
وانتي وحشتيني اكتر يا نور.. اكتر بكتير
اخصائية التجميل الانسه مرضتش تعمل اي حاجه غير لما حضرتك تيجي.. فممكن نبدأ
مسحت نور دموع صديقتها و اردفت 
_تقدري تبداي 
ثم اطلقت الصراح لزغروده مصريه اصيله فرحا لصديقتها و بعد قليل وصل طرد بفستان مذهل من اللون الابيض و البنفسجي و اتاها اتصال من مصطفي يخبرها ان تتجهز جيدا الليله وحذرها من وضع مساحيق تجميل كثيره 
هو في ايه... هو ايه اللي فيه ايه النهارده فرح صاحبتي الوحيده اكيد عايز يكون شكلي كويس.. يحبيبي يمصط... لا نفرمل كده حبيبي ايه بس اتس ماي برزر نوت مور 
_نور حبيبتي انت بتكلمي نفسك 
ايه.. لا لا انا تمام ركزي بالله يختي فنفسك انا عايزاكي احلي واحده النهارده 
_ازاي وانتي موجوده بس 
بت انتي بالعه صحبتي صح انتي مش ترنيم علي فكره 
_يلا يا منتنه انتي عايزه اللي يديكي علي دماغك 
يبت هوديكي للراجل متخرشمه 
_نينيني
لا مش قادر انا لازم اطلع اشم هوا 
وجدت يد تسحبها للكرسي الذي كانت تجلس عليها.. وكانت يد فنانة التجميل 
_لا معلش اقعديلي كدا واهمدي شويه عشان انا فرهدت عايزه ارسملك ال اي لاينر و اخلص 
احم احم اتفضلي 
كانت الاخري تحاول كبت ضحكتها ولكن لم تستطيع فاڼفجرت ضاحكه و ظلو يمزحون سويا
في مكان اخر 
حبيبي انا الحمل تاعبني و بصراحه بقا مامتك بقت حمل عليا اوي 
_ماهو لولا تعب رجليها الاخير ده 
عابد انا مش عايزه كلام كتير.. مامتك مش هتقعد معايا في البيت ده تاني 
_ايه اللي بتقوليه ده بس 
انا قولت اهو يا ابنك و يا امك.. بس يعني ابنك جاي في السكه و هيعشلك سند لكن امك كلها سنه اتنين خمسه عشره و هتمشي لكن هو اللي هيبقالك تتسند عليه.. ومامتك احنا هنوديها دار رعايه نضيفه جدا و هنزورها علي طول 
_طيب سيبيني افكر و ارد عليكي 
طيب يحبيبي بس متتأخرش
عند مصطفي.. كان ينتظر نور اسفل البنايه مع صديقه الذي يكون العريس وعندما تأخرو اخرج هاتفه يتصل بنور 
ايه يبنتو انتو اتأخرتو كده ليه 
_خلاص يمصطفي احنا نازلين اهو 
ثواني و استمعوا لاصوات زغاريد عاليه و لم يكن