قصه كوميدي كامله
عليهم كده النهاردة يلا خليهم يروحوا بيوتهم وبكرة نبقى نشوف هنعمل معاهم ايه ..
بعد وقت
حنان اتصلت على سوكة الى كانت فالاتوبيس ومعاها وسندس وقالتلها
انتى يا زفته تليفون مقفول ليه من الصبح .. وكل ده فين
كنت فالشغل يا ماما وكنت قفلاه عشان ممنوع انى استخدم التليفون
بقى يا البحر انتى طول النهار كده معرفش عنك حاجة طب كنتى اتصلتى عليه وطمنتينى
سوكة قفلت الخط مع حنان ونامت على كتف سندس من كتر التعب
سندس وبعدين يا سوكة احنا هنسكت على الپهدلة دى
هنعمل ايه يعنى ما احنا لما روحنا عشان نقطع العقود طلع فى شرط جزائى مليون جنيه ... فكرى كده وقوليلى ابوكى هيدفع فيكى اكتر من تلاته جنيه ونص!
وحياتك ولا هيدفعهم يا بنتى ده مستنينى اتجوز عشان ياجر الاوضة بتاعتى
يعنى هنفضل نشتغل عمال نضافة كده لغاية امتى
متقليش انا هروح كده وافكر وامخمخ واكيد هلاقى حل ..
تانى يوم ..
سندس بت يا سوكة انتى واثقة اننا مش هنتكشف
سوكة لا اثبتى يا سمكة فى ايه انتى نسيتى اننا ياما عملنا عمليات اجرامية قبل كده فاكرة لما كنا بنسرق الفراخ بتاعة سلومة الحرامى وبنوزعها على الغلابة
شششش تفى من بوقك مش هيجرا حاجة بس متفوليش
يوووه انا قلبى مقبوض ..
اشربى كركديه وهو يروقك ..
بعد شوية ..فى حمام الشركة
سندس ايه اللبس ده انا هعمل بيه ايه !
سوكة بصي يا ستى انا هقولك على الخطة .. اول حاجة لازم نتنكر واحنا داخلين المكتب بتاع الى ينشك فى عضلاته الى اسمه معتز
اه هنلبس اللبس ده ونبقى رجاله
.....
سندس وسوكة اخدوا اللبس ولبسوه سندس وقفت قدام المراية وقالت
هههه تصدقى انا شكلى حلو وانا راجل انا بفكر اعمل عمليه واقلب
طب خدى الشنب ده والباروكة ويلا بينا
سندس وسوكة دخلوا المكتب يتسخبوا وهما ماسكين كشاف وبيدوروا على العقود الى ماضيين عليها
سندس ده ايه الورق ده كله .. ده احنا محتاجين يجى شهر عشان نلاقى العقود بتاعتنا
دورى بس انتى بسرعة ان شاء الله نلاقيهم ..
طيب طيب دورى انتى بس عندك وانا هدور هنا ..
بعد شوية
سندس اوووف مش لاقية حاجة تعالى نمشى ونشوف المكتب التانى
سوكة استنى هنا انا سامعة صوت شكل فى حد جى
يالاهواااى هنتمسك منك لله يا سوكة انا كان لازم اقطع علاقتى بيكى
ششس اسكتى تعالى نستخبى بسرعة تحت المكتب ..
سوكة وسندس استخبوا تحت المكتب وعماد ومعتز دخلوا ..
عماد قال بقولك ايه يا معتز انت شوفت البنتين النهاردة شكلهم مجوش
معتز بص فى ساعته وقال
امم ممكن يكونوا هيتاخروا .. بس ابقى اخصم منهم يومين عشان ميتعودوش على التاخير ده
تمام .. بقولك ايه انا شامم برفان حريمى انت بتجيب ستات المكتب من ورايا
معتز ستات ايه بس يا عم دى تلاقيها منال السكرتيرة
تحت المكتب
سوكة بت يا سندس انتى لسه بتحطى البرفان ده هو مش انا قولتلك بطليه اهم هيشمشوا علينا زى الكلاب ويجبونا
ياختى ده معطر الجو لقيته فالمكتب عجبنى ريحته رشيت منه رشتين
سوكة اده ده جى علينا استر يارب
عماد مم منال بردو .. طيب هعديها بس بقولك ايه انا هروح استلم العربية النهاردة ما تيجى معايا
معتز ماشي بس خلينا نخلص شغلنا الاول ..
سندس ڠصب عنها عطست ..
سوكة اتعصبت وقالت
الله يخربيتك اتمسكنا ..
عماد ومعتز بصوا تحت المكتب ولقيهوم هما الاتنين طالعين سوكة قالت
هو انا لو قولتلكم اننا كنا بنمسح المكتب من تحت هتصدقونا صح
معتز رفع حاجبه وبصلها وقال
ليه هو عربية
سندس اا احنا بنحب ننضف بضمير اه
عماد قرب منهم وبص فى وشهم وقال
هو ايه الى انتم عاملينه فى وشكم ده .. انتم كنتم بتسرقونا ..
معتز اتفاجأ وكان لسه هيطلب الامن بس سوكة قربت منه وقالت
اا احنا على فكرة مش حرامية احنا جينا فعلا ننضف المكتب بس اتفاجانا لما لقيناكم داخلين وكنا عاوزين نخضكم يمكن واحد فيكم يتشل والتانى ېموت بالسكته القلبية
معتز وايه يضمنلى انكم مسرقتوش حاجة
بامارة مفتاح الخزنة الى انت ناسيه فيها انا لو كنت حرامية كنت اخدت الفلوس الى فيها وخلعت
سندس ايوه صح احنا نسينا ندور فالخزنة ايه الغباء ده ..
سوكة اسكتى يا غبية ..
عماد طب اتفضلى على شغلك انتى وهى ومتبقوش تعملوا كده تانى ..
سوكة خرجت من المكتب وهى متغاظة وقفت ربعت ايدها وقالت
يا ما كان نفسي امسك زمارة رقبته وافرقعها فى ايدى
سندس بت يا سوكة مش ملاحظة حاجة
حاجة ايه اخلصى
الى
