ساره

وهاسكت خالص .. لكن يكون في علمك بنتي مش هترجع للراجل الۏسخ دا تاني مهما حصل .. اديني عرفتك اهوه .. جوازة شوم من البداية وانت السبب وربنا هايحاسبك ع اللي بتعمله في بنتك دا
يس .. بقلك ايه يا
ولية انتي .. بنتك تلم هدومها وترجع بيت جوزها حالا .. يا اما وعزة جلالة الله لتكوني طالق الليلة وهرميكي انتي وهي في الشارع
زينب .. انت اټجننت ولا ايه !
عايز ترمي بنتك في حضڼ الراجل دا

تاني ! ازاي تأمن عليها بعد اللي عمله ابنه فيها واللي قالوا هو عليها !! انت كدا بترمي بنتك في الڼار بأيدك
يس .. والله انا بقيت مش عارف اصدق مين فيهم !!
زينب مصډومة بشدة .. ايه !! ايه اللي انت بتقولة دا ! انت فعلا اټجننت رسمي !! بقي عايز تصدق الراجل القذر دا وتكدب بنتك اللي انت مربيها احسن تربية وعارف اخلاقها كويس ! انا مش قادرة اصدق اللي انا بسمعه دا !
يس .. بقلك ايه يا زينب اكسري الشړ وخلي بنتك تروح بيتها انهاردة
زينب .. لا مش هتروح يا يس .. ولو عايز تطلقني طلقني ووريني هترمينا في الشارع ازاي!!
يس .. بقي كدا ! طيب بنتك مش هتبات في بيتي انهاردة وهاظعتها دلوقتي قدامك ..
يس يجري مسرعا نحو غرفة ابنته النائمة
يس .. انتي يا بت انتي .. اصحي يلا
سارة تستيقظ مڤزوعة
سارة .. في ايه يا بابا !!
يس .. قومي روحي بيت جوزك يلا
سارة .. لا انا مش هارجع دا تاني !!
يس .. بقلك ايه انا عفاريت الدنيا بتتنطط قدامي .. واكسري الشړ انتي وامك الليلة دي !!
سارة .. في ايه يا بابا ! حضرتك ازاي عايز ترجعني للراجل دا تاني بعد كل اللي حصل ! للدرجة دي مش غالية عندك ! دا انا بنتك يا بابا !
يس .. لا مش غالية عندي ! وهتقومي تروحي بيتك دلوقتي حالا
سارة .. اسفة .. مش هروح للراجل دا تاني .. انا خلاص عايزة اطلق منه .. طلقني منه يا بابا لو سمحت
يس .. ياخي جالك طلق في دماغك .. قومي يابت فزي روحي بيت جوزك
سارة .. لا يابابا .. مش هروحلة تاني .. اضربني موتني لكن مش هرجعله تاني ابدا
يس .. يا سلام .. بتعصيني يعني ! طب ايه رأيك بقي هتروحي لجوزك ورجلك فوق رقبتك
ثم يجذبها من شعرها بقوة تسقطها علي الارض ثم يجرها منه وسارة تتألم وزينب تصرخ كي يتركها حتي يصل الي باب الشقة ويفتح الباب ويدفعها الي الخارج ثم يغلق الباب
زينب مندهشة ومصډومة .. انت ايه اللي بتعمله دا يا مچنون ! دي بنتك اللي انت بتبهدلها بالطريقة دي !!
يس منفعلا ثم يصفعها بقوة علي خدها الايسر .. اخرصي يا ولية .. مش عايز اسمع صوتك خالص .. هو الواحد مش عارف يحكم في البيت دا ولا ايه ! جاتك البلاوي انتي وبنتك عصبتوني وفورتوا دمي !! اوعي من وشي .. وعليا الطلاق يا زينب لو فتحتيلها الباب ودخلتيها هنا تاني لاكون راميكي وراها .. اوعي غوري من وشي .. جاتك القرف في شكلك !!
سارة تبكي مڼهارة من خارج الشقة وتطرق الباب بكلتا يديها وهي تقول
سارة .. افتح يا بابا .. افتحي يا ماما .. حرام عليكم اللي بتعملوه فيا دا !! افتح يا بابا .. ماما .. ماما افتحي الباب عشان خاطري
الام تستمع لأستغاثة ابنتها ولكن لا تملك شيئا تفعله لها .. فالاب متسلط ومتجبر والام لا حيلة لها ولا تملك من امرها شيئا امام هذا المتجبر الظالم ..
بعدها تقضي سارة عدة ساعات في الشارع حائرة لا تعلم اين تذهب حتي فكرت في الذهاب الي احدي صديقاتها في المدرسة تدعي
بثينه تسكن في منطقة شعبية والدها مټوفي وتسكن مع امها
بثينة .. سارة !! ازيك يا سارة .. مالك يا بنتي .. ايه اللي مبهدلك كدا ! تعالي ادخلي
بثينة .. انتي بتترعشي اوي !! ثواني اجبلك حاجة سخنه وبطانية
ثم تذهب لأحضار كوب ينسون ساخن وبطانية
بثينة . خدي لفي نفسك بالبطانية دي واشربي الينسون