حقي كامله
انت في الصفحة 1 من 9 صفحات
حماتي بتخون حمايا..!!
أنت بتقولي إي..!!
دي فرصتي عشان أمسك عليها حاجة أنا زهقت من اللي بيحصل فيا يا شهد..!!
من ستر مسلم ستره الله في الدنيا والآخرة حرام عليك يا شروق.
وهي حلال اللي بتعمله فيا..!! حلال اللي بيحصل فيا من ساعة ما اتجوزت..!! أنا مش هتراجع عن فرصة دي دي وبعدين أنا مش ھفضحها أنا عايزاها تعرف إني عارفة عشان تلم نفسها معايا.
أنا عملت خلاص.
تقصدي إي يا شروق..!
أنا عرفتها إني عارفة....
..... من 3 شهور .....
بدأ الموضوع واحنا بنشتري جهاز بيتي أنا وماما وخطيبي حسام وأمه وقفنا في محل أدوات منزلية وبدأنا ندور على آخر حاجة في الجهاز التلاجة.
الأسعار كانت غالية بشكل كبير ف كنت حريصة شوية بما إنها آخر حاجة اخترت تلاجة ما بس اتفاجأت باعتراضها دا..! دا مش مقامنا يا حبيبتي بعدين م تصرفي من الفلوس اللي على قلبكم دي..!
بصلها خلاص يا ماما دي آخر حاجة في الجهاز كله وفي فلوس كتير صرفوها على باقي الجهاز.
لوت شفايفها وهي بتبص الناحية التانية اللي تشوفه ست الحسن ياخويا.
إحنا هنعيش مع أمي في بيتها.
اټصدمت من كلامه ولقيت نفسي بزعق نعم.!! أنت اتهبلت يا حسام.!! الشقة اللي بنجهز فيها من 3 سنين دي فين.!!
مسك ايدي وقال بصوت هادي يا شروق يا حبيبتي اهدي والله حصل ظرف اضطريت فيه أبيع الشقة وبدل ما نوقف الجواز أهو نعيش مع أمي.!!
ولأني كنت ساذجة عرف يضحك عليا ويقنعني أوافق بل وكمان اقنعت اهلي بدا.!! هه مش بقولكم ساذجة..
اتجوزنا ومن غير اي مشاكل لمدة أسبوع هي في بيتها تحت واحنا في بيتها برضو بس اللي فوق لحد في يوم جمعة كان هو نايم وأنا في المطبخ اتفاجأت بصوت ورايا بيقول بقولك يا شروق.
مالك يختي شوفني بعبع.!!
أنت .. أنت ډخلتي إزاي..!
ردت عليا بكل بج احة إي اللي إزاي.! بيتي وبيت ابني يعني معايا نسخة من المفتاح يا حبيبتي.
سكتت وعديت بس سكوتي خلاها تعمل اكتر من كدا الاقي مرة أخته طالعة بنفس المفتاح تاخد حاجة الاقي حاجتي تنقص هدومي مرة أكل من التلاجة وهكذا.
سمعتهم الاتنين وهما بيتكلموا...
سيبيني بس يا ماما اظبط اموري عشان اعرف اقسم وقتي بين علا و شروق.
اوعا بس تتكلم قصادها بحاجة .. ولا تفتح موضوع الشقة اللي أنت مفهمها إنك بعتها دي لأحسن نروح كلنا في داهية.
لأ لأ مټخافيش دانا حسام يعني.!
من صدمتي حسيت برجلي ثابتة مكانها ومش عارفة أحركها بيتفقوا على جوازه من بنت خالته اللي فهمني إنه نساها وإن أمه خلاص مبقتش حاطة الموضوع في دماغها مبقتش عارفة اسكت ولا اعرفه إني سمعت ولا اعمل اي بالظبط.
بصعوبة طلعت الشقة تاني وأنا لا طيقاه ولا طايقاها بفكر في الشقة اللي تعبت فيها أنا وهو وفي الآخر بكل سذاجة صدقت إنه باعها.
بفكر في أمه اللي معيشاني في غم بقالي شهرين من ساعة جوازي بفكر إزاي اخد حقي منهم وهخده فعلا بس كله على الهادي.
وفي يوم تاني من الأيام السودا اللي أنا عايشاها كنت قاعدة ماسكة تلفوني لما لقيتها داخلة البيت عندي كالعادة بالمفتاح اللي معاها.
مبقتش اتفاجئ هه منا أصلي اتعودت.
اټصدمت لما لقيتها راحت وقفت قصاد مستحضرات التجميل بتاعتي وشالت منها حاجات كتير معرفتش اعترض معرفتش اعمل اي حاجة.!!!
نزلت وأنا نزلت وراها م هو لي هتاخد حاجة زي دي وهي في سنها
دا..!
دخلت براحة البيت وسمعت صوتها في الأوضة وهي قاعدة قصاد المراية بتحط من اللي خدته وبتتكلم
