خديجه الجزء 2والاخير

سمحت يا عمي سيبني انا اتكلم معاها الاول وارد عليكم
صالح نادى على الشغاله واداها المفتاح وخلاها تفتح لنور وتنزلها 
نزلت نور واتفقت لما لقت زين ومازن قدامها مع بعض
وزين اخذ نور ودخل المكتب يتكلموا لوحدهم
زين ازيك يا نور مالك معيطه ليه وعامله في نفسك ليه كده انتى مش عارفه ان انا في ظهرك ولا ايه
نور بابا يزين حبسني ورافض ان انزل الشغل تاني
زين طيب سيبك من الشغل دلوقتي وردى عليا ايه رايك في مازن 
نور وشها احمر وما عرفتش ترد فزين فهم ان هي بتحبه
زين طيب يا نور مازن بيحبك وجه عشان يطلب ايدك وهو قابلني وكلمني بره وانا رايي ان شخص محترم وهو عرفني ظروفه ايه انت رايك ايه 

نور تفتكر بابا هيوافق
زين سيبى بابا عليا انتى رايك ايه
نور اللي تشوفه يا زين وثبته وخرجت تجري على اوضتها وزين راح لعمو واتكلم معاه واتفقوا ان مازن يجي اخر الاسبوع هو واهله علشان يطلبوا ايد نور ويقروا فتحتها
_________________
فى القصر عند خديجه
خديجه ودعت ليان وورده خلت السواق يوصلها بعد ما اتغدوا سوا وخديجه طلعت اوضتها عشان ترتاح واول لما دخلت شافت الكفر بتاع الفستان فتحته واتفاجئت بان ده الفستان اللي هي كانت لابساه في الديفليه وبصه لقيت معي ورقه مطبقه فتحت الورقه وورد الكلام اللي فيها
خديجه قرات الكلام اللي في الورقه وكانت مصدومه ونزلت الشغاله عشان تتاكدي مين اللي جاب الفستان
خديجه بقول لك ايه يا مروه مين جاب الفستان ده هنا
الشغاله زين بيه قالى اطلعه وساب معاه ورقه
خديجه تمام يا مروه متشكره روحي انتى دلوقتي
خديجه قرت الكلام مره تانيه 
ماينفعش حد غيرك يلبسه اى واحده تانيه هتلبسه يبقى هتظلم نفسها الفستان ده لواحده بس اسمها ديجا  
خديجه كانت محتاروه تقبلوا ولا ترفضوا 
قررت انها تنتظر رجوع زين وتنزله الفستان بنفسها بعدها بحوالى ساعتين وصل زين وخديجة نزلتله بالفستان
خديجه بشمهندس زين عايزاك لو سمحت 
زين اتفضلى يا ديجا 
خديجه اسمى خديجه . اتفضل الفستان ده حضرتك بعته الاوضه عندى مع الشغاله
زين اه الفستان ده ليكى يا ديجا 
خديجه اسمى خديجه. وبعدين بمناسبة ايه انا مش بقبل شفقه ولا عطف من حد 
زين خديجه دى مش شفقه ولا عطف ابدا وانا عمرى ما شفقت عليكى ابدا يا خديجه بالعكس انا بعترف انى كنت شديد معاكى 
خديجه امال قلت لسلمى كده ليه بتراضيها على حساب كرامتى للدرجة دى انا رخيصه فى نظرك 
زين ابدا يا خديجه طول عمرى عارف انك غاليه وانك عملتى اللى لو انا مكانك وظروفك عمرى ما كنت هقدر اعمله . او يمكن كنت بقول كده عشان ابرر لنفسى 
خديجه تبرر ايه 
زين انى بحبك 
اه بحبك من زمان بس غرورى كان مانعنى اعترف حتى لنفسى بده كنت بحبك من ساعت ما كنتى فى ثانوى وكنتى بتيجى مع مامتك وكنت بزاكر ليكى الرياضه كنت شايفك طفله زكيه وطموحه ولما مامتك ماټت كنت بشد عليكى عشان متحسيش انى معملتى ليكى عطف او شفقه زى ماكنتى فاكره ان حبهم ليكى عطف وقتها وكنت بعمل كده عشان تعانديدنى وتتحدينى وده يبقى حافز ليكى عشان تتفوقى اكتر واكتر تتفوقى حتى على نفسك عشان تثبتيلى انك صح 
بعد مۏت ماما كلهم كانوا بيواسوكى وده خلاكى تستسلمى وتتخلى عن حلمك مكنش قدامى غير كده حتى يوم تخرجك الكلام اللى قلته يومها عشان احفزك تكملى وتبقى دكتوره كنت بحب اشوف نظره الانتصار فى عينك كنت بحب اسمعك وانتى بتبرطمى عليا واضحك عليكى فى سرى بس بعد كده عرفت انى كنت غلط حجبى لمشاعرى غلط شدتى عليكى غلط بس عرفت متاخر بس فى الاخر عرفت 
خديجه اټصدمت من كلامه وسابتله الفستان وطلعت تجرى على اوضتها كانت مخضوضه من كلامه صدمها مكنتش متوقعه ابدا انه يقولها كده 
بعد شويه لقت الباب خبط فتحت اتفاجئت بزين قدامها وماسك الفستان 
زين حبيبتي نسيتى ده تحت طلعتهولك بنفسى 
خديجه اخدت الفستان وقفلت الباب فى وشه هى مش عايزه تكلمه عايزه تعد مع نفسها وتتلم على اعصابها 
زين ضحك على رد فعلها . شكلك هتتعبينى معاكى يا ديجا بس تستاهلى اتعب عشانك 
عند نور ومازن. 
مازن اتصل على نور يطمن عليها
مازن ازيك يا حبيبتي عامله ايه 
نور 
مازن ايه يا حبيبتي رحتى فين .بباكى كلمك فى حاجة تانى بعد منا مامشيت 
نور لا كان قاعد سرحان زين هو اللى كلمنى 
مازن قالك إن انا واهلى جايين نخطبك اخر الاسبوع ونقرا الفاتحه 
نور اه قالى 
مازن انتى رايك ايه  
نور 
مازن طيب يا ستى مش هحرجك بس عايزم بكره ضرورى تيجى الشركة
نور اشمعنى يعنى بكره 
مازن لما تيجى هتعرفى المهم دلوقتي يا حبيبتي نامى كويس وماتشغليش بالك بأى حاجه تانيه 
تصبحى على خير يا قلبى 
نور وانت من اهل الخير 
تانى يوم الصبح نور راحت الشركه واتفاجئت ب 
______________ 
تاتى يوم فى القصر عند زين زين صحى بدرى ونزل اول واحد وطلب من الشغاله انها تطلع تصحى مامته وخديجة عشان يفطروا واستناهم على السفره 
نزلت خديجه وورده عشان يفطروا اتفاجئوا بزين قدامهم منتظرهم على السفره 
زين صباح الخير مالكم واقفين كده ليهة
ورده صباح الخير يا حبيبي انت عامل ايه انت كويس 
زين اه يا حبيبتي الحمد لله زى الفل مش هتعدوا تفطروا ولا ايه 
ورده اه يلا اقعدى يا خديجه عشان نفطر 
زين على فكره يا ماما قرايه فتحه نور الجمعه الجايه
ورده الف مبروك وعقبالك يا حبيبي هتتخطب لمين لمازن صح
زين مش ساهله انتى يا ورده يا مفتحه عينك على كل حاجه ربنا يديمك دايما مفتحه معانا كده على طول . وبعدين بص لخديجه 
ايه يا ديجا مابتكليش ليه 
خديجه زورت من اسلوب معاها والغريب عنها
خديجه انا بفطر اهو 
زين طيب كلي كويس علشان عندنا شغل كثير النهارده
خديجه شغل ايه
زين .ببراءه . شغلك يا خديجه انت نسيتي انك شغاله معايا وقرب منها وغمز لها مش عايزين نزعل ماما بقى افطرى يلا هستناكي عشان نروح الشركه سوا 
خديجه ما كانتش عارفه تتصرف ازاي غير انها تسمع كلامي حاسه ان زين بيقتحمها بشكل مخليها مش عارفه تفكر ازاي واضح ان زين عارفها اكتر من نفسها
زين دخل الشركه قابل قدامه سليم ويوسف داخلين هما كمان طلب زين من خديجه تروح مكتبها ومتخرجش منه لحد ما يطلبها بنفسه 
دخل يوسف وزين وسليم مكتب زين 
زين ازيك يا سليم جيت بسرعه يعنى متاخرتش 
سليم ظبطت الدنيا هناك ونزلت مع يوسف واحتمال كبير اسافر اخر الاسبوع تانى اتاكد ان كل حاجه تمام
زين ربنا يعينك وانت يا يوسف عامل ايه منور الشركة
يوسف منوره بصحبها 
زين كنت عايزك فى موضوع شخصى واتمنى انك تقولى الحقيقة 
سليم طيب انا هقوم اخلص كام حاجه ورايا 
زين هزله راسه بمعنى تمام وبص ليوسف احكيلى بقى يا جو تعرف سلمى من امته ووصلتوا مع بعض لحد ايه 
يوسف انا كنت عايز احكي لك عنها من وقت ما كنا في شرم بس كنت قلقان انك ما صدقنيش
زين احنا اللي بينا كتير مش عشره ياوم يا يوسف عشان اكدبك
يوسف من حوالي سنتين