الذئب كامله

اللي مكنتش بتسيب فرض ابدا ولا رباب اللي مكنش يعدي يوم غيرا لما تقري جزء واتنين وتلاته من القرآن يعملوا كدا !!
ياسمين .. طب فهميني .. ازاي حصل دا !! قوليلي جواب يقنعني ويلغي الشكوك اللي جوايا !! ولا عايزه تقليلي انهم حملوا من الهوا !!
هند .. هو في حاجة غلط ومش فاهمينها ومش عارفين ايه هي
ياسمين .. لا يا هند .. الحقيقة ان اخواتك كانوا بيرسموا انهم كويسين لكن في الاصل هما مجرد بنتين شمال ضيعونا وضيعوا نفسهم ودمروا عيلة بحالها
هند تغضب وتصفع ياسمين بالقلم علي وجهها
ياسمين لا تصدق .. بتصربي اختك الكبيرة بالقلم يا هند !!! شكرا .. انا قلت التفسير اللي اي حد هيقوله .. لحد ما يظهر تفسير تاني .. هههه .. دا اذا كان في تفسير تاني من اصله
ثم تتركها وتدخل الي غرفتها وهند في ذهول شديد ويأتي المساء وتدخل ياسمين الي الحمام لكي تستحم وبعد دقيقتين ينقطع التيار الكهربائي وتحدث کاړثة !!
ذئب في الكواليس 
الخامسة
ياسمين .. اف .. دا وقته دا !! هند.. انتي يا هند .. يا هند هاتي شمعايه من عندك .. النور قطع .. اف ياربي بقي .. وبعدين انا مش شايفة حاجة.. يا هند !! ردي عليا .. راحت فين الزفته دي!! ..
وفجأة تشعر بأن الماء وهو ينزل من الدش قد زادت سخونته فجأة واصبحت لا تطيق حرارته مما يدفعها الي الخروج خارج البانيو
ياسمين .. اح .. الميه ولعت ليه كدا !! خلاص بلاها سبوح ..
وخرجت ياسمين من البانيو تتحسس ملابسها المعلقة علي الشماعة وفجأة تسمع صوت له صدي يناديها بأسمها قائلا .. ياسمين
ياسمين تندهش من سماع الصوت ولكن لا تعيره اهتماما وتظن انها تهيآت ولكن يتكرر نفس الصوت بنفس الصدي قائلا .. ياسمين
ياسمين تقلق .. مين !! مين في الحمام !!
ياسمين تبحث عن ملابسها التي لا تراها وتنادي مره اخري علي اختها
ياسمين .. هند .. انتي يازفته .. ياربي
وفجأة تسقط ياسمين علي الارض فقد تزحلقت في شئ ما جعلها تسقط علي الارض وترتطم رأسها بالمرحاض فتغيب عن الوعي لمدة خمس دقائق بعدها تستعيد وعيها لتفاجئ بأن الكهرباء قد عادت الي الحمام وأضيئت انواره فأرتدت ملابسها بسرعة وهي ترتجف وخرجت مسرعة لتجد اختها تجلس في الصالة وتقرأ في كراسة ما ويبدوا عليها الاندماج الشديد فتغضب ياسمين عندما تراها جالسة في الصالة
ياسمين .. طب ما انتي قاعدة اهوه!! امال لما بنده عليكي مبترديش ليه !!
هند .. بتندهي عليا !! ندهتي امتي !!
انا مسمعتكيش !!
ياسمين .. لا ندهت عليكي اكتر من مره وبصوت عالي كمان .. عماله اقول يا هند .. يا زفتة الطين وانتي قاعده هنا جمب الحمام ومش عايزة تعبريني!!
هند .. بقلك انا مسمعتكيش !! وبعدين عايزة ايه من زفتة الطين !!
ياسمين .. النور قطع وكنت عايزاكي تجبيلي شمعه تنورلي .. اټرعبت جوا الحمام
هند .. نور ايه اللي قطع !! النور مقطعش ولا حاجة!!
ياسمين .. انتي بتهزري !! نور ايه اللي مقطعش !! النور قطع وانا بستحمي وبسببك ازحلقت وقعت علي دماغي وغبت شويه عن الوعي عشان مش شايفه حاجة وكنت بدور علي هدومي
هند .. معقول !! ممكن يكون قطع في الحمام بس .. بس ايه الخرابيش اللي في جسمك دي !! هو انتي كنتي بتتخانفي مع الليفة ولا أيه !!
ياسمين .. خرابيش !! فين
!!
تنظر ياسمين علي يديها فتجد خدوش متفرقة