لم تكن خطيئتي الجزء الخامس
بنظراته الحزينه فلم ينصفها حتى شقيقها الذي حاولت أن تهاتفه وعندما نجحت في مهاتفته أخبرها بسعادته انه اخيرا سيرتاح من همها ويطمئن عليها فلم تعد صغيره ف عمرها تجاوز الثلاثون...
اقترب منها حامد يرمقها بنظرات متهكمة مغترة
كنتي فاكره لما تهربي نص الليل رجالتي مش هتعرف تجيبك
احتدت نظراتها فلم يعد لديها جهدا للحديث والصړاخ لقد نبح صوتها وتزوجته وانتهى الأمر منتصرا هو كما رغب
فين اوضتي
ارتفع حاجبه الأيمن وهو يرى استسلامها
طلعتي عقله وبتفهمي اه..
ومد كفه نحو نظارتها يعدل لها وضعها
اوعدك هديكي قرشين حلوين
رمقته شزرا ليبتعد عنها يخفى ابتسامته يهتف بصوت حاد
رسميه... تعالي ورى الاستاذه اوضتها
تعالي يابنتي
طالعتها رحمه بصمت عجيب ولكن لم تكن تريد تلك اللحظه الا النوم لعلها تصحو وتجد كل ماحدث بها ليس إلا كابوسا
اجتماعنا مع نشأت بيه بكره
اختفت ابتسامتها وهي تستمع لكلماته وكأنه لا يريد وجودها.. حاولت رسم ابتسامتها مجددا تجلس فوق المقعد
جايه عشان اشوف رأيك في المشروع ياشهاب
كان ممكن تعرفي جوابي بكره
لم تتحمل ردوده الجافه واسلوبه الذي يفقدها الأمل كل يوم فنهضت من فوق المقعد تهتف بمقت
في ايه ياشهاب أنت ولا كأنك مش طايق وجودي وبتطردني
شيرين صوتك ميعلاش
زفرت أنفاسها بعمق وهي تراه يبعد نظراته عنها يلتقط بعض الأوراق يطالعها
رأفت بيه هينزل امتى من سويسرا
رفع عيناه نحوها ينظر إليها بنظرة فهمتها
متخافش ياشهاب... شيرين القديمه انتهت... واظن انك شايف كويس ان الشغل بقى واخد كل وقتي
واشاحت عينيها بعيدا عن مرئ عيناه التي تسبر اغوارها تهتف بثقه مصطنعه
وانا فاهمه كويس ان ده شغل والشغل بعيد ديما عن العلاقات
تعالا رنين هاتفه ليخرجه من تركيزه مع كل كلمه تخبره بها بثقة
أيوه ياقدر
احتدت نظرات شيرين وهي تسمع اسمها تغرز اظافرها المطلية بكفها
تمام روحي.. بس طمنيني اوك... وخدي السواق مفهوم
عادت عيناه تتعلق ب شيرين التي بذلت أقصى جهدها لتظهر أمامه بهذا الثبات
ها ياشهاب رأيك ايه في المشروع
أدهم هيتولي مسئولية المشروع... وياريت المستثمر ينزل مصر عشان نبدء نحط البنود وعقود الشړاكه يظبطها المحامين
تهللت اساريرها وهي تستمع لموافقته لتنهض على الفور تحمل حقيبة يدها
حقيقي المشروع ده مكسب لينا اوي ياشهاب
وداخلها كانت تهتف
ومكسب ليا انا كمان ياشهاب.. هيبقى ليا حجه اقرب منك اكتر
سعادتها كانت لا توصف وهي تسير بالشوارع تأكل المثلجات مع حنين التي قررت أن تجولها اليوم في شوارع القاهره الجديده بعدما اشترت الهديه التي رغبت ان تجلبها لوالدتها.. اليوم اختبرت مشاعر عدة منها الحسړة علي حياتها والسعاده وهي تسير بجوار صديقه تستمتع معها
عجبك الايس كريم
لعقت عهد الكريمه المحاطه بالشكولاته متلذذه بالطعم
حلو جدا...
طالعتها حنين وهي تلتهم مثلها خاصتها
المره الجايه ناكل بيتزا.. ايه رأيك
التمع الحماس في عيني عهد تومئ لها برأسها
اي حاجه انا معاكي فيها
ضحكت حنين وهي تنظر إليها
يعنى لما
اعوز اروح في داهيه تيجي معايا
لا ديه بقى لوحدك
تعالت ضحكاتهم فتنجذب أعين البعض عليهم... لتخجل عهد متمتمه
الناس بتبص علينا
فتتركها حنين مقتربه من احد الأشخاص
ثانويه عامه معلش يااخويا...
لطم الرجل كفوفه مكملا طريقه... لتجذبها عهد من مرفقها تلتف حولها
الراجل زمانه بيقول علينا هبل
مطت حنين شفتيها بأسف فچنونها لا مفر منه
اكملوا سيرهم لتتوقف اقدام حنين عند أحد المطاعم
هو ده المطعم اللي حكتلك عنه
لتضحك عهد علي تذكرها الحكايه التي اخبرتها بها
كنت هغسل الأطباق انا وصحابي..انا لحد دلوقتي زعلانه على الخمسمية جنيه اللي دفعناهم
باين عليه فخم ياحنين
ياختي قولنا ندلع نفسنا.. دفعنا فلوس الدروس على بطننا
لم تتحمل عهد آلم بطنها من شدة الضحك الذي ضحكته اليوم
كفايه ھموت من الضحك
خلاص ياستي كفايه كده ويلا نروح ... عهد انتي مالك وقفتي متخشبه كده
واردفت وهي تنظر حولها
مش انتي قولتي لجوزك انك خارجه معايا...
كانت بعالم اخر تشعر بصوت حنين يأتي من بعيد... ابتسامته كانت تتسع وتلك المرأه تقترب منه تمسك يده
غصه مريره ابتلعتها وهي تراهم كيف يجلسون يتناولون الطعام... لولا التفافها للمره الاخيره لداخل المطعم ماكانت رأتهم
عهد انتي يابنتي بتبصي على ايه
اغمضت عيناها بقوه تلتقط أنفاسها المسلوبة لتلتف بعدها نحو حنين التي تدفعها برفق حتى تفيق من حالة جمودها العجيبه
خلينا نروح ياحنين
لطمت حنين كفوفها تزفر أنفاسها
ماهو ده اللي بقوله من الصبح
ودعتها حنين أسفل البناية الراقيه التي تقطن بها واخيرا اصبح لديها القدره على رثاء حالها تهتف پضياع
هيرميني من حياته... مش هيبقى ليا
