روايه للكاتبه ايه عرفات الفصل السادس والاخير

مريم طلعت الفيديو وفرجته على الكل وهم واقفين
ادهم ويوسف لما سمعوا الفيديو كانو مش قادرين يتحركوا من كتر الصدمه وقفوا في حال زهول
سهام الفيديو ده مفبرك انا عمري ما اعمل حاجه زي دي انتي جبتي الفيديو ده منين
مريم ربنا حب يكشفك وماحبش يفضحني ولا انا ولا اختي
سهام راحت قدام يوسف وادهم
سهام حبايبي انا عمري ما اعمل كده اوعي تصدقوا الكلام الفاضي ده هي حابه توقع بينا انتم عارفين اخلاقي وعارفين اني انا عمري ما اعمل حاجه زي دي الفيديو ده مفبرك هي عملت كده هي واختها عشان تبعدنا عن بعض

مريم وصوتك كمان مفبرك انتي دي ولا مش انتي وده ابن اختك ولا انا بيتهيالي
ادهم كسر الفازه اللي محطوطه على التسريحه جنبه
ادهم انتي ازاي تعملي حاجه زي دي هنت عليكي انا وابنك طب سيبك منهم ما فكرتيش فينا احنا انتي عايزه واحد غريب ينام مع مراتات اولادك الاتنين انتي ام انتي مستحيل تكوني ام طب سيبك منه احنا مافكرتيش فيهم هم ايه اللي هيحصل لهم طب ما فكرتيش اني كل واحده فيهم تبقي بنت عمي قبل ما تكون مراتي
يوسف انتي كانتي عايزه واحد ينام مع مراتي مع مرات ابنك انتي عارفه لو كان ده حصل كنت انا ساعته احساسي هيبقى عامل ازاي ما فكرتيش في ابنك ادهم اللي لسه فايق من صډمه عمره لما يحصل له حاجه زي دي هيحصله اي انتي ما فكرتيش غير في نفسك وبس
يوسف راح عند جاسر وفضل يضرب فيه وهو مرمي على الارض
جاسر والله والله يا يوسف ما لمست مراتك يا عم ده انت متجوز جاكي شان هي كانت حتى بتديني فرصه اني انا اتكلم معه
ادهم ما لوش داعي يا يوسف اللي انت بتعمله ده العيب مش منه العيب من امي اللي دخلت واحد حقېر زي ده بيتنا وهي عارفه نيته كويس وكمان هي اللي مسلطاه علينا 
ساره مريم احنا مالناش قعاد في البيت ده من بعد النهارده
مريم صح انتي عندك حق اطلعي لمي هدومك وانا هلم هدومي ونمشي دلوقتي احسن ما نمشي بفضيحه يلا يا ساره 
ادهم انا مش مسامحك انتي كل ما تشوفيني مبسوط تعملي حاجه تنزعي عليا فرحتي 
يوسف انا من النهارده ما عنديش ام انا امي ماټت وانا هلم هدومي واسيبلك البيت كله
يوسف طلع ورا ساره وادهم طلع وراء مريم
احمد قرب من سهام وضربها بالقلم على وشها 
احمد كان ابويا عنده حق لما قالي انك عمرك ما هتبقى مراه وزوجه اصيله وبنت ناس اول مره اشوفك فيها لما خدتك ورحناله البلد قالي يا ابني هتندم مسيرك في يوم هتندم ساعته كان نظره ابويا فيكي صح بس انا اللي فهمت متاخر ما فكرتيش فيهم ما فكرتيش ان دول ولاد اخويا شرفهم من شرفي وسمعتهم من سمعتي انتي عارفه لو كان حصل الخطه اللي انتي متفقه عليها دي كان مصير البنات دي عند اهليهم اي في الصعيد كان ممكن ېقتلوهم لكن انتي ما فكرتيش غير في نفسك وفي البرستيج بتاعك 
سهام نزلت على الارض ومسكت ايد احمد
سهام انا بترجاك سامحني انا كنت عايزاهم يبعدو عن اولادي 
احمد فيهم اي اللي ناقص البنات دي عشان انتي تكرهيهم الكره ده كله
سهام انا اسفه معلش انا عارفه اني انا غلطت سامحوني
احمد مش بايدي اني انا اسامحك أو لا اطلعي لاولادك واترجيهم انهم يسامحوكي لكن عليا انا حق اولاد اخويا انا هعرف اجيب
سهام هتعمل اي
احمد انتي طالق بالتلاته خدي ابن اختك اللي مرمي على الارض زي الكلب ده اطلعوا بره البيت ده
سهام لا ارجوك ما تعملش كده انا ماعنديش حد في الدنيا كلها غيرك انت هترميني في الشارع ازاي 
احمد انا عمري ما كنت قليل الاصل للدرجادي انا كنت كاتبلك شقه في العبور باسمك خدي المفتاح اهو 
رمى المفتاح في وشها
احمد روحي اقعدي فيها بس انسي عيالك وانسيني انا 
سهام لا ارجوك
احمد زقها برجله على الارض انتي احقر واحده قابلته في حياتي وجوازي منك كان من الاول غلطه وانا بايدي هصلح الغلطه دي والتاني مره بقولهالك انتي طالق اخرجي بره 
احمد ساب سهام ومشي
سهام قاعده قدام جاسر وضرباته