الصدفه قصه كامله
وبس
لا تبقي عاميه مش مشكله
_احمد أنا مش بهزر
وانا مش هتطلقك دا انا مصدقت !
_صدقت ايي
مريم خشي نامي دلوقت وبكره نشوف الحوار دا
_منا عاوزة افهم !
هفهمك كل حاجه في وقتها بس ادخلي نامي عشان اكيد تعبانه
_ماشي يا احمد الي تشوفه
دخلت نامت وانا فضلت قاعد في الصاله اقولها ازاي اني عمري محبيت غيرها !!
بعد شويه لقيتها خارجه ببطانيه
اه وبعدين
_اتغطي ب البطانيه دي
لاء شكرا مش عاوز
_بطل حركات عيال يا احمد بقولك الدنيا برد اوي بجد
وانا قولتلك مش عاوز
قعدت جمبي وغطتني هي فضحكت
انتي بتعملي أي
_خايفه انام جوا الاوضه مش مريحاني
وهتعملي أي
_هقعد معاك بقي وخلاص
خلاص ادخل انام جوا أنا
_انت كده روش يعني
ضحكت خلاص والله بهزر هو انا قومت من جمبك اصلا !
طب ما كده كويس
_لاء ابعد سيكا
قربت كمان كده ولا ابعد اكتر
_انت بتعمل عكس الكلام خلاص قرب
منا بقرب فعلا اهو !
_انا لو اټجننت ف هتبقي انت السبب
يعم عادي فدايا
_وحيات امك !!
حماتك عيب
الباب خبط يفضحتي ادخلي ب البطانيه ديي
_هفكر
يمريم هيقولوا قاعدين علي الركنه هنتفضح
_خلاص خلاص صعبت عليا
دخلت ب البطانيه وفتحت الباب
جبتلكم لقمه كده عشان تاكلوا
_متحرمش منك يغاليه
دخلت الاكل وسلمت عليا ونزلت
_يعروسه
اي عروسه ديي !
_معلش اندمجت اصل عشا عرسان ف بما انك مش عروسه لو مديتي ايدك هقطعهالك
يووه دا انت قفوش
اوي بجد امال كنت لابسه الفستان الابيض عياقه!
_تعالي كلي خلاص
من كرم اخلاقك
والله
كلنا وقعدنا _دي تاني مرة نتعشي فيها
_طب اتخمدي يلا
لا اتكلم معايا شويه
_هنتكلم في أي منتي عارفه عني كل حاجه وانا كذلك
احساسك أي دلوقت
_زي الزفت علي دماغك
مش بهزر والله
_يمكن مصډوم من الي حصل بس ..
بس ايي
_عاوز اقولك حاجه عاوز اقولهالك من زمان
قول
_انتي مش بتحسي ولا عندك ډم والله
ايي!!
_مهو لو عندك كان زمانك حسيتي اني بحبك وبحبك اوي كمان من ايام الكليه بلمح دايما بس انتي مبتفهميش يمريم والله وبخاف اتكلم مباشر تبعدي عني ف قولت صحاب وخلاص بس تكوني موجودة أنا خطبت صحبتك بعد متخطبتي عشان يأست وقولت هتنسيني حبي ليكي لكن فشلت ب الأخص أنها مش شبهك لا بتعرف تتكلم معايا ولا بتحب الكلام الكتير ولا مهتمه تسمع عملت أي في يومي ف لما لقيتك في الموقف دا قلبي وجعني عشان انتي متستهليش انك وتتسابي وټعيطي وتتوجعي ف قولت أنقذ الموقف واتجوزتك عشان انتي عاوزة تعرفي لي اتجوزتك بس الصراحه أنا متجوزتش عشان انقذ الموقف بس دا عشان دي الدعوة إلي فضلت علي لساني خمس سنين في كل ركعه انك تبقي من نصيبي ومن غير اي تدخل ربنا جعلنا ب وسيله مكنتش علي البال ف عشان كده عمري مهطلقك ومتطلبيش كده تاني
جواك كل دا وساكت !
_والبعيده جبله والله
اسفه يا احمد حقك عليا بس احنا اخوات وبس
_اعتبريني مقولتش حاجه
