ضد الانصاري_كامله

لما اتكلمت معاه شوفته شخص محترم و مكانش عندي مشكلة مع الأولاد نهائي في الحقيقة أنا حبيتهم من أول ما شوفتهم. 
هو بالنسبالي مش زين الأنصاري اللي أنتم بتتكلموا عنه هو بالنسبالي زين وبس..
زين يا ريت بقي لو نكمل كلامنا بعد ما نستمتع شوية بالحفل إعتبروا المكان بتاعكم يا شباب استمتعوا...
تراجع الجميع وسحب زين يدها تجاه طاولتهم الخاصه بجوار طاولة العائلة.. 
كان ينظر للباب من حين للأخر وكأنه ينتظر شخصا مهما شخصا اقيم الحفل علي شرفه بينما هي ظلت صامته وشاردة. 
لو تحدثت أمام الصحفيين لربما كان ساعدها أحدهم أو حتي تصاعد الموضوع لشخصا ذو نفوذ أو للشرطة ولكنها قبلته بسبب إرغام والدتها لكن لماذا لما لترغم إبنتها المدلله الوحيدة علي الزواج!!
ماما ماما!!!
عهد هه! نعم نعم يا فريد
فؤاد بحزن أنا فؤاد..
عهد بإبتسامة إي دا أنت زعلان علشان أنا غلطت في إسمك!!
فؤاد أنا محدش بيحبني..
عهد ليه بتقول كدا
فؤاد فريد مش راضي يلعب معايا والولاد التانيين مش بيرضوا يلعبوا معايا..
زين علشان أنت بتضربهم يا فؤاد..
فؤاد ببراءه لما حد بيعصبني بس.
عهد بهدوء بس يا حبيبي لازم نتحكم في أعصابنا صح! وبعدين ليه يا فريد مش عاوز يلعب
زين علشان فريد مبيحبش الدوشه إنما دا قرد أقعد محترم زي أخوك..
عهد إيه رأيك لو روحت لعبت مع أصحابك وتوعدهم مش هتضرب حد ولو عملت كدا أنا هكافئك بهدية حلوة..
فؤاد بإبتسامة موافق..
زين ما تسيبيه يقعد زي اخوه كل مره بيرجعلي بمشكله شكل كل دا وهو يدوب 3 سنين ونص!
عهد بهدوء المشكلة مش في إن فؤاد بيلعب و بيجري المشكله في فريد اللي علطول هادي ومش بيختلط بصحابه بطل تقارن الولاد ببعض أنت إزاي مش ملاحظ دا!! فؤاد بيزعل لما أنت تقوله إن أخوه أحسن منه أنا حسيته زعل أوي لما فكرته فريد..
زين لا أنا شايف إن فؤاد هو اللي عنده فرط حركه..
نظرت عهد للطفلين بشفقة تشعر بأنه لا يهتم بهم أبدا في الحقيقة تشعر بأنه قاسې القلب تجاههم تشعر بأن الطفلين مهملين وبشدة من الجميع ولكنها الآن تتمني أن ينقذهم أحد من ذلك الإهمال وإن بقيت أكثر وعدت نفسها بأنها ستهتم بهم ولكنها واثقة بأنها سترحل بالنهاية هي لن تضيع حياتها مع من تزوجها كرها..
عاد الصحفيون مرة أخري و تحول حديث زين عن صفقته الجديدة ليصرف نظرهم عن عهد و بالفعل إهتم الجميع بأمر الصفقة بإستثناء تلك الصحفية التي عادت للسؤال مرة أخري عن زواجهم فسألت سؤالا تتصنع بعض اللطف
_ أستاذ زين ممكن تقولنا ناويين تقضوا شهر العسل فين
زين ياه إنتي تعمقتي أوي مظنش يعني إن دا هيفرق مع أي حد في حاجة لكن علي العموم أنا حجزت بالفعل تذاكر السفر بس لا مش هقولكم فين..
_ طيب يا تري الأولاد هيكونوا معاكم
عهد أكيد..
زين بإبتسامة عهد أصرت إنهم يكونوا موجودين..
إنتهي الحفل شعرت عهد بالضيق من كل تلك الكذبات المتكرره الإبتسامة المصطنعه الحب الكاذب شعرت وكأنها تدنثت بنفاقه تشعر الآن كأن لمسته ليدها تحتاج لتعقيم شعورا نما بقلبها تجاه بسمته الكاذبه جعلها تشعر بأن كرهها له قد تضاعف!.
بعد ساعة من إنتهاء الحفل إختفي كعادته بدلت ثيابها وجلست في ذلك التراث البلكون الواسع المتصل بغرفته و معها الأطفال يقومون بواجباتهم و أمام كلا منها طبق الأرز بالحليب..
فؤاد اممم جميل جميل وأنتي جميلة أوي يا ماما..
عهد بإبتسامة أنت اللي جميل يا فؤاد بالهنا والشفا..
فريد بتسلية كدا بقي أنا أعمل الواجب وأنا مبسوط..
عهد بضحك ليه بحس إني بكلم رجالة كبار مش اطفال صغيرين بجد انتم عقلكم اكبر من سنكم..
فريد بطفولية يعني دي حاجه حلوة!
عهد أيوا.. طيب مش إحنا دلوقتي أصحاب!
فريد أيوا إيه عاوزة تقولي سر!
فؤاد بهمس لا تخافي ماما سرك في بئر..
عهد بضحك أنتم بتقولوا اسراركم برعاية سبيستون!!
فريد بحماس يبقي سر..
عهد لا هو مش سر بس أنا عاوزة اسألكم شوية اسألة أول حاجه أنتم تاريخ ميلادكم إيه
فؤاد بتذكر بابا كان قايل إن إحنا اتولدنا سنة 2019 في شهر 10 يوم 23...
عهد يعني أنتم فاضلكم 3 شهور وتتموا 5 سنين..
بدأ فريد يعد علي أصابعه ولكنه لم يستطع إحصاء الأمر فتنهد مستسلما وهو يأكل من طبقه..
عهد طيب يا ولاد أنتم محدش بيقعد معاكم!!
فؤاد عمتو كارما و تيته كمان..
عهد بيقعدوا معاكم كتير يعني ولا قد إيه!
فؤاد لا لا ممكن 2 أو 3 مرات..
كان يحصي المرات علي أصابعه كما كان يفعل أخيه منذ ثواني نظرت له بإبتسامة و قالت بحماس..
عهد هسألكم أخر سؤال وبعدها هعلمكم إزاي تعدوا علي صوابعكم..
عهد ولا أقولكم يلا هعلمكم يلا ارفعوا صوابعكم العشره..
.........................................
جلسوا ثلاثتهم علي تلك القهوة الشعبية صامتين يفكر كلا منهم بأحواله و بعائلته و بكلمات دهب..
حسين مين فيكم موافق...
فرج أنا..
حسين فرج الموضوع مش سهل ومش قانوني و ممكن نتحبس حقي أنا مش عاوزه الظلم اللي اتظلمته عادي يهون قدام إني أخلي أمي