الوجه الاخر للحب الفصل العاشر

فتحت عينى اتفاجئت بزياد قاعد قدامى على الكرسى وساند راسه على ايده ونايم واستغربت لما لقيت دموع على خده كأنه كان بيعيط ونام قدامى فضلت بصاله ومردتش اتحرك عشان ميفوقش وكلامه كان بيتعاد فى عقلى فالقيت دمى بيغلى من اهانته ليا وبعدين خطړ فى بالى فكرة ولقيت نفسى بتسحب بهدوء لحد ماقومت ووقفت قدامه وانا شايفة مفاتيح الشقة فى جيبه حاولت امد ايدى واخدها لكن خوفى مان مسيطر عليا فاطلعت من الاوضة على أطراف رجليا عشان ميحسش بيا وفعلا طلعت وقفلت عليه باب الاوضة من برة وجريت ادور على اى حاجة تفتح باب الشقة ولكن للاسف فاق وسمعت صوت خبه على الباب وهو بيزعق انتى فاكره انك كدة بتهربى منى
اټرعبت من صوته واتوترت وللاسف مش لاقيه حاجة افتح بيها الباب جربت السکينة ومنفعتش وفجأه لقيته بيخبط بقوة وبيزعق والباب فضله تكة ويتفتح وساعتها مش عارفة ممكن يعمل فيا ايه لقتنى جريت على المطبخ ودورت بعينى على اى حاجة تنقذنى فالقيت المكنسة على جمب فاخلعت العصابه منها وطلعت وقفت ورا باب الاوضة مستنياه يكسر الباب وفعلا كسرة وظهر قدامى زى النمر اللى بيدور على فريسته ولكن معطتهوش فرصة وبأقصى سرعة عندى خبطته بالعصاية على دماغة بقوة اااااااااه.
بصلى وهو حاطط ايده مكان الضربه فاحسيت انه لسة فايق فاضربته ضربه تانية اقوى وقتها لقيته وقع قدامى على الارض وشوفت الدم على راسه فارميت العصايه من ايدى وانا جسمى كله بيتنفض وبنهج كأنى كنت فى سباق نزلت لمستواه فالقيته بيبصلى بضعف ولما جيت اخد المفتاح لقيته مسك ايدى فاصرخت وفجأة سمعته بيقول بتعب مټخافيش .اااانا جمبك..مش هسيبك.
زقيت ايده پخوف ودموع واخدت المفتاح وجربت فتحت باب الشقة ونزلت جرى على الشارع بس فجأه .
يتبع.