راضي بالسهر زهره الربيع

لما لقاها قالت پخوف... انت مين وعايز ايه خليك بعيد عني احسن والله هقتل نفسي واعمل لك مصېبه
راضي اتسعت عنيه بزهول وقال بسرعه... اهدي يا مدام ارجوكي انا من طرف والدتك
البنت قالت پغضب... ما تقولش والدتي وما تقولش مدام اصلا
راضي بصلها بحيره وقال في نفسو...دي شكلها لسعت من الصدمه ولا ايه...وبصلها وقال ... طيب حاضر مش هقول كده ممكن تهدي بقى وتنزلي من ايدك لسلاح يطول

البنت قالت بزعيق ...خليك عندك واخلص قول انت مين وعايزين مني ايه
راضي اتنهد وقال بضيق ....المفروض انتوا اللي عايزين... انا مش فاهم مالك على اساس انتي فاهمه كل الموضوع وموافقه
نزلت السکينه وقالت باستغراب ...انت بتقول ايه موافقه على ايه
راضي حرك اديه مع بعض شمال ويمين كأنه شايل طفل و قال ...البيبي ...الوريث
بصتلو باستغراب اكبر من كلامه وقالت.... بيبي ايه و هباب ايه انت اهطل يلا
راضي قال بدهشه... اهطل... شوفي بقى عشان نخلص من غير قله ادب ....والدتك جايباني هنا علشان حضرتك تتجوزيني في خلال شهر يعني ما فيش وقت للكلام بتاعك ده احنا ورانا تدريب مستمر ومحتاجين لكل دقيقه
بصيت له پصدمه من كلامه وقالت....انت بتقول ايه... اياك تقرب لي اياك هصوت والم عليك الدنيا ...هقتل نفسي واعمل لك بلوه
راضي قال بضيق... لا ما هو اختاري يا تصوتي يا تقتلي نفسك لان زي ما قلت لك ما فيش وقت.... شوفي انا مقدر ان انتي زعلانه على المرحوم جوزك وفعلا اللي عايزين يعملوه ده غلط بس انت ما كانش لازم توافقيهم من الاول وترجعي ټندمي بعدين
قالت بزعيق وجنون... اندم ايه وجوز مين انا ما اعرفش الناس اللي بره دول انا مخطوفه هنا
راضي اتسعت عنيه پصدمه وفضل واقف يبص لها بدهشه شديده
تحت جنب البيت كانت ثريا واقفه بتشرب سېجاره و نجيب جنبها قال بزهق ... احنا هنفضل في البرد ده لامتى
ثريا قالت بضيق شديد.... مش هينفع نمشي احسن يعملوا حاجه كده ولا كده
نجيب اتنهد وقال....احنا هنستفيد ايه باللي عملناه ده اكيد البنت هتحكي له كل حاجه ومش هيقرب لها
ثريا ابتسمت بخبث وقالت.... هيه هتحكيله كل حاجه بس مش هيقدر ما يقربش منها
عند راضي كان قاعد وحاطط ايده على دماغه ومش مصدق اللي بيحصل
والبنت كانت بتحكيله و بتقول ببكا.. انا كنت طالعه من الجامعه الناس دول خدروني وجابوني هنا انا ما اعرفش حد منهم
راضي اتنهد وقال باستغراب... امال ايه الفيلم الطويل العريض اللي حكهولي ده انا مش فاهم حاجه
البنت قالت بدموع ورجاء.... انا عايزه ارجع لاهلي لو سمحت ساعدني
راضي ابتسم وقال ....اكيد هساعدك يا ....هو انت اسمك ايه
قالت بدموع...سهر ...اسمي سهر
راضي وقف وقرب منها وقال.... اسمك حلو قوي يا سهر 
وبلع ريقه بارتباك وهو يبص لعيونها بقوه شديده
سهر ارتبكت قوي ورجعت خطوه لورا