لها وحده

بقولك ايه يا حبيبتي ما تخسي شوية كده الرجالة مبيحبوش الستات التخينة ولا انتي عايزة تقعدي جمب امك كده علطول ما كل عريس بيجي بيهرب منك 
قالتها واحدة من أصحاب ماما اللي مشافوش تربية في حياتهم ابدا نفخت بضيق وانا بسيب الشوكولاتة اللي في أيدي وقولت 
وانتي مالك يا طنط هو انا بأكل من تلاجة اللي جابوكي ابويا اللي بياكلني مش انتي !!
وش الست بهت وهي بتبصلي پصدمة فماما زعقت وقالت
شيماء !!!عيب اللي بتقوليه ده !!اعتذري يالا من طنط ندي 
هزيت راسي وقولت
لا مش هعتذر من حد هي اللي مفروض تلزم ادبها!!!ملهاش أي حق تتكلم عن جسمي وخاصة انها شبه التريلا وتفصل مني تلاتة ورغم جده متكلمتش 

قامت طنط ندي وقالت
لا انتي فعلا متربتيش اهلك معرفوش يربوكي وانا غلطانة اني بنصح بني ادمة قليلة الذوق 
انتي فاكرة نفسك مين يعني ما دي الحقيقة طول ما انتي كده هتعنسي مين هيتجوز فيل
ندي لو سمحتي !!!
زعقت ماما فيها فزعقت ندي وقالت
يعني مش سمعاها يا هدي مش شايفة قلة ادبها عليا انتي هتسكتي وتخلي بنتك تقلل ادبها معايا 
ربعت امي ايديها قالت ببرود
انتي اللي بدأتي يا ندي اظن كتير لمحتلك ان بلاش تقللي من شيماء او تكلميها علي وزنها لكن انتي برضه مصممة تحرجيها وده جزاء اللي بتعمليه 
اتعصبت ندي اكتر وقالت لماما
كده يا هدي طيب والله ما أنا جاية عندك تاني ولا لساني هيخاطب لسانك 
وبعدين مشيت وهي متعصبة بصتلي ماما وقالت
اللي عملتيه ده اسمه قلة ذوق 
هزيت كتفي وقولت 
هي اللي جابته لنفسها يا ماما تستاهل 
وبعدين بدأت اكل في الشوكولاتة بتاعتي اخدت مني امي الشوكولاتة وقالت
رغم قلة ذوقها بس كلامها صح جدا يا شيماء انتي مش شايفة نفسك انتي بقيتي حاجة صعبة لو مش عشان تحسني شكلك شوية عشان صحتك انتي داخلة في ال١٠٠ كيلو بقيتي متعرفيش تتحركي كويس بتتنفسي بصعوبة وانا بقيت خاېفة عليكي يا بنتي ابوس ايديكي حاولي تتحكمي في نفسك تعالي نروح للدكتور و 
يوووه بقا زعقت
وانا ببكي وبعدين كملت
انا مستحملة كلام اصحابك اللي زي الز فت وانتي جاية كمان تعايرني!!!! 
قربت ماما مني ومسكت ايدي وقالت
يا حبيبتي مش بعايرك أنا خاېفة عليكي انتي صحتك بتتدهور 
بعدت عنها وانا بقول وانا بتنفس بصعوبة 
لا انتي بتعايرني كلام اصحابك اثر فيكي وبتيجي دلوقتي تعايرني بوزني صح 
انا مش بعايرك افهمي وبطلي غباء انتي لازم تخسي لازم والا ھتموتي صحتك بقت في النازل انتي مبتفهميش !!!
رجعت لورا وبكيت اكتر وبعدين جريت علي اوضتي وقفلت عليا الباب وانا ببكي طول عمري مبهتمش بكلام الناس لكن أن امي تكلمني عن وزني ده جرحني اووي أنا عارفة أنها
بتتكلم كده عشان جوازي اتاخر ومفيش حد كتير اتقدملي واللي بيتقدملي
بيهرب بس انا مش هاممني الموضوع أنا شايفة ان اللي بيحبني