ړعب بقلم اندرو

فوقت من النوم لقيت نفسي جوة مكان ساقع بصيت حواليا كانت الدنيا ضلمة وفي حاجة متلجة جنبي وقتها حاولت اقوم ماقدرتش محاولة في التانية قومت وفي اللحظة دي راسي خبطت في سقف بس ازاي ده السقف مافيش بيني وبينه شبر ولما ركزت لقيته باب مش سقف ماخدتش وقت في التفكير وفتحته وقتها ضوء ضړب في عيني ووضحلي الحاجة اللي جنبي دي تبقى ايه ويا ريتها ما وضحت لإني لقيت نفسي نايم جنب جوة تلاجة ومش بس كده ده في كلب عمال ينبح من بعيد بصوت عالي ومرة واحدة الصوت قرب ولقيت الكلب واقف قدامي.
قصتي بدأت لما قررت أعمل تحدي جديد من تحدياتي على قناة اليوتيوب والقناة دي تبقى تحدي الچيف أما بقى التحدي الجديد فهو اللي غريب شوية لكن أظن إنه هيجيب مع الناس أوي وهو إني هبهدل في شكلي شوية بعدها هنزل سوق شعبي وأدور على شغل كإني شحات والمكان اللي هيشغلني هقعد فيه اسبوع وفي الاسبوع ده هصور كل حاجة بتحصل بالتفصيل عن طريق كاميرا صغيرة غير ملحوظة هتبقى محطوطة في هدومي ولإن أصلي من بولاق قبل ما اتشهر فالموضوع كان سهل عليا وحتى لو مش سهل فالمشاهدات اللي هتجيلي بعد التحدي هتعوضني عن تعب الاسبوع ودلوقتي مش ناقص غير اني ابلغ المتابعين عن مدة اختفائي اللي هتوصل لأسبوع وبعد الإسبوع هرجعلهم بالتحدي الجديد وفي المدة دي الهشتاج هيعلى والناس هتخمن انا بعمل ايه وقتها هرجعلهم بالتقيل والمشاهدات ومعاها الفلوس هيزيدوا وهو ده المطلوب من التحديات عشان كده طلعت لايف جديد تشويقي قولتلهم فيه اننا على موعد مع تحدي جديد واللي هيخمنه صح هيبقى له جايزة كبيرة وبس كده قفلت اللايڤ ولقيت فادي صديقي بيتصل بيا رديت عليه وقبل ما اقول كلمة واحدة قالي

وايه هو التحدي بقى يا عم خالد.
اهو بعد خالد دي مش هرد عليك اسمي چيف ياعم مش هقولهالك كتير.
ماتتحمقش اوي كده وقولي التحدي على ايه المرادي
على حاجة جديدة من ريحة أيام بولاق.
وده ايه بقى اللي من ريحة أيام بولاق
سوق شعبي هنزل فيه على إني شحات والمكان اللي هيشغلني هقعد فيه اسبوع هصور الحياة وهصدرها للناس ماحدش عارف هم عايشين ازاي.
يا قلبك الكبير وانت بتعمل كده عشانهم ولا عشان المشاهدات.
كله بيصب في مصلحة واحدة كمان انا متحمس استخدم الكاميرا الجديدة اللي جبهالي تامر من برة مصر ومافيش فرصة أحسن من دي عشان استخدمها فيها.
بص أنا مش متطمن للموضوع ده انت لا هتقدر تشتغل مرمطون اسبوع ولا عارف ايه اللي ممكن يحصل بس اللي انت شايفة انا مش هقف قصادك عشان عارفك بعد كده هتندم وتقولي انا السبب.
جرا ايه دود اخوك خالد من بولاق يعني قد الدنيا.
دلوقتي