حماتى بقلم رحاب القاضي

اخوك لما بيتقفل عليهم ..
علي 
بس ده غلط يا امي دي خصوصيه بينه وبين مراته تعمل معاه كويس او وخش هما احرار انتي ليكي تتكلمي لو حد منهم اشتكالك بس..
نعيمه 
لا مش غلط..
دخل في الوقت ده صبحي وقالها
لا غلط ومليون غلط كمان انا ما اقبلش انك تعملي كده يا امي انتي عارفه شكلي بقي ازاي قدام مراتي وانا شايفك بتتفرجي ..
نعيمه 
يا ابني انا عايزه اطمن عليك وبعدين انا مش حابه البنت دي واهلها وانهم واخدين تعبك وشقاك كده طلقها واجوزك ست ستها..
صبحي
وعشان كده بقي انتي كنتي بتطفشي فيها ومخليها زي المرمطون في البيت انا اسف يا امي بس انا هاخد شقه تانيه لمراتي ومش هنيجي هنا عندك غير ضيوف وبس..
_ قال كلامه ومشي وراح لرحمه وقعد معاها وقال..
صبحي 
ها مرضيه كده انا هقعدك بغيد عن امؤ وهسكنك في بيت لوحدك واللي عايزاه هعمله..
رحمه 
تعرف يا صبحي انا ما كنتش موافقه بيك بس مع الوقت قولت لا انت برضو بتعمل عشاني كتير واتحملت حماتي وكل حاجه عشان اللي بتعمله مع اهلي وكنت هزعل اووي لو كنت ما قدرتش تعبي وخليتني ارجع تاني اتحمل مشاكل امك معايا..
صبحي
انا مش متعلم ااه بس اعرف الاصول انا مش هرمي امي ومش هظلم مراتي عشان برضو زي ما ربنا هيحاسبني علي امي هيحاسبني عليكي وعلي اهلك وانا اتعهدت بيهم من اول جوازنا قومي يا رحمه يلا عشان تروحي بيتك الجديد..
ابتسمت رحمه وقالت 
حاضر يا جوزي يا حبيبي قاايمه اهو..
_ وفعلا راحت معاه رحمه وعاشت حياتها في سعاده وحماتها كانت بتزورها وتعملها كل حاجه عايزاها وكانت بتتحمل برضو نكدها بس قدام صبحي ما كانتش بتتكلم معاها..
_ وفي الاخر ياريت نتعلم ان حياتنا مش كلها ورديه ووارد جدا نلاقي مشاكل في حياتنا كتير بس الانسان اللي بيتقي ربنا في حياته مشاكله مش هتدوم ولا هتطول وربنا هيكرمه من حيث لا يحتسب