اسكريبت جديد بقلم ايمان
انت في الصفحة 1 من 5 صفحات
اسكريبت
_اول مره اشوف شرير رايح يسرق لابس نضاره نظر !!
عدل نضارته وبصلي بقرف وقال _ خليكي في حالك وساعديني نفتح الباب ده .
_ طب يلا
استغرب وبصلي _ يلا اي
_زقه يابني وهيتفتح !!
_ فكراني بطل من رواياتك اللي بيزقوا الباب بصابع رجليهم الصغير هيتفتح
_ هو مش ده العادي !! ولا انت عشان مش قوي ذيهم !!
حاولت اعترض و زعقت وانا متوتره _ ع ععليي فكرره
لقيت الباب فتح !!
_ فتحته اذاي.!
طلع بنسه شعر من ايده وشاورلي عليها وبعدين لقيته بيرميها عليا وقال بقرف _ ابقى قولي لأبطال روايتك في حلول أخرى !!
هو بيتريق على أبطال روايتي الأقوياء استاذ نص كيلو عضل وربع كيلو دهن والباقي عضم ونضاره !!
اخد نفس واتكلم _ مش هنسرق الفلاشه بتاعة صاحبتك ونخلص ولا اسيبك وامشي ويكش يمسكوكي وياخدوكي وخلي أبطال رواياتك ينفعوكي !!
جسمي اترعش لما افتكرت انا جيت هنا لي وجبت محمد جارنا معايا !!
افتكرت رحيق صاحبتي اللي جاتلي الساعه 2 بلليل وهي مڼهاره وبتقولي انا هتفضح انا هتفضح !!
كان جسمي بيترعش وانا واقفه قصادها على عتبة باب بيتي فجأه حسيت ان الجو برد مع إننا لسه في اوائل أكتوبر وعيوني بقت تدمع مش عارفه احضنها اطمنها ولا اديها قلمين على وشها افوقها واعرفها إنها غلطت ولاذم تتحاسب !!
وقتها استنيت طلوع الشمس وبسرعه نزلت ملقتش غيره قدامي عدوى اللدود ابو اربع عيون دحيح الدفعه جاري محمد اللي امي عاوزه تجوزهوليي !!
ومش عارفه اي اللي خلاني اجري عليه واقوله _ تقدر تساعدني
فوقت على صوته وهو بيقول
_ شوفي كده هي دي الفلاشه
اخدتها منه بسرعه وفتحت اللاب وشوفت اللي فيها واللي اول ما شوفت اللي فيها مقدرتش استحمل وقفلت بسرعه فضلت اردد الدعاء اللي من اول ما عرفت بردده اللهم استرنا فوق الارض وتحت الارض ويوم العرض عليك يا الله .
فجأه سمعنا صوت زعيق من برا _ مين هنا !!
اعيط !! والله انا عاوزه اعيط اصلا من امبارح !!
قربت منه وقولت
