احببت مريض بالوسواس
انت في الصفحة 1 من 5 صفحات
_أهلا أنا جارك الجديد ساكن في الشقه إلى قدامك دى
_احممم هو حضرتك اسمك اي بما اننا جيران يعنى
_أنا أسمى...
قبل مقول أسمى لقيتها قفلت الباب في وشي.. اصل لو الزوق بالفلوس كنت اشترتلك منه حبه انا يتقفل في وشي الباب منا إلى غلطان بردو اى الاجتماعيه الزيادة إلى انا فيها دى مش معقول اتكلم مع اى حاجة بتتنفس خلصانة بضيق تنفس
دخلت الشقه إلى أجرتها وبدأت انضف فيها الحاجات إلى مش نضيفه.. انا عمر 26سنة خريج كليه هندسه وخدت الشقه دى عشان تبقي قريبه من الموقع إلى شغال فيه
متعود كل يوم انى اشرب قهوة في البلكونة بس كنا في اول الشتا فلبست شال خفيف وطلعت وانا ماسك قهوتى وروايه بقرأها.. لقيتها طلعت البلكونة كانت لابسه تقيل تقيل اوى انا استغربت هى لابسه تقيل كده لى دا حتى لو احنا في نص الشتا مش المفروض تلبس دا كله
_هو حضرتك مش بتردى عليا لى هو احنا جيران وانا معرفش حد هنا ف..
دخلت قبل ما أكمل كلامى.. أين كرامتى انا لا أراها لو حد شافها يرجعهالى ياجماعة عشان جبهتى معتش موجودة خلاص.. اى حكايتها دى بس قمر يخربيت جمالك احممم بس قهوتى أحلى
الصبح صحيت الساعة 8 لبست وجهزت بفتح الباب لقيتها بترمى الژبالة كان بيتهيقلى انها بتكلم حد بس مفيش حد موجود!! كانت بتحرك دماغها فوق من ناحيه اليمين أو الشمال وتبدأ تتكلم
_هو انتى بتكلمى مين
سمعت الكلام دا اتخضت ودخلت جوا وقفلت الباب في وشي
روحت الموقع بتاعى واشتغلت وانا راجع لقيتها ماشيه مش عارف لى مشيت وراها منا لو عيل صغير مش همشي وراها كده يبني روح بيتك واشرب قهوة ونام لاء لازم اعرف حكايتها هى قفلت معايا بجاحة
لقيتها دخلت عيادة انا عارف العيادة دى والدكتور بتاعها صاحبي!! بس بس لى تدخل لدكتور بتاع أمراض نفسيه!!
طلعت وراها وانتظرت لما هى مشيت ودخلت
_اي يا دكترة
اى يا هندسه فينك محدش بيشوفك يعنى
_اهو مشاغل انت عامل اى
الحمد لله وانت اخبارك ايه
_الحمد لله.. بقولك هى إلى لسه خارجة من عندك دي مالها
_ها.. لا بسأل عادى اصل شكلها تعبان اوى
اه ربنا يشفيها يرب.. دى أصعب حالة جاتلى من ساعة مشتغلت
_لى هى مالها!!!
عندها وسواس قهرى
_أيه!!!!
يتبع
البارت الثانى
_أيه!!!!
في اى مالك
_ها لا مفيش بس وسواس من ناحيه اى
پتخاف كتير وبتتخيل انها بتكلم ناس في عقلها الباطل.. هى لسه في الأول بس لو فضلت كده للأسف مش هعرف اعمل حاجة.. هى جاتلى تتعالج بس مع كده بردو لسه خاېفه
_اه اه.. تمم انا ماشي بقي يصاحبي عاوز حاجة
سلامتك يا غالى
مشيت وانا مستغرب.. ربنا يشفيها يا رب متوقعتش انها تبقي مريضه كنت فاكرها تنكة او حريصه..
روحت فتحت اليوتيوب وكتبت طريقه عمل الفراخ المشويه حاسس انها اتحرقت سيكا لا لا عشر سيكات الله اكبر اى دا انا بطبخ الفرحة على ڼار ولا الڼار على فرخة امرى لله هاكل وخلاص اهو اى حاجة تملى التنك
بليل طلعت بقهوتى
