تتجوزيني كامله

تتجوزيني
ي يوسف أنت بتقول إيه
أنا بحبك يا فريدة تتجوزيني
زعقت وأنا بقوله 
مينفعش يا يوسف مينفعش
ليه يا فريدة أنا بحبك وأنت شكلك بتحبيني يبقى مفيش مشكلة لما نتجوز!
يوسف بالله إسكت خلاص
زعق وهو بيقولي
مش هسكت يا فريدة مش هسكت أنت مش حاسه بيا أنت دايما قدام عيني سرحانه ومضايقة وأنا مليش الحق حتى إني أسألك مالك ملي

يوسف أنا مبحبكش!
ي .. يعني إيه مبتحبنيش تصرفاتك بتقول عكس كدا يا فريدة!
تصرفاتي حاجه وإلي في قلبي حاجه وأنا مبحبكش يا يوسف الحب مش بالإجبار.!
ف .. فريدة أنت بتهزري صح
مبهزرش يا يوسف أنا مبحبكش خلي عندك ډم وسبني أمشي بقى يا أخي!
خليك فاكرة إنك أنت إلي نهيتي كل حاجه.
مشيت من البيت بعد ما أخدت هدومي كلها يارتني ما قابلتوا ولا شوفتوا حتى!
أنا كنت عايشة حياتي في هدوء أينعم لوحدي بس مكنتش معلقة حد بيا!
رجعت بيتي تاني.. بعد ما فضلت أكتر من شهر مدخلهوش حطيت شنطة هدومي على الأرض ونمت على السرير من غير حتى ما أغير هدومي!
فضلت أفكر ف كلامه .. هو ميعرفش إني بحبه ميعرفش إن الشهر إلي قعدته في بيته كان أحلى شهر في حياتي كلها أنا موجوعة جدا موجوعة إني جرحته وموجوعة إن خلاص كدا مفيش يوسف تاني..
يارتني ما قبلته بجد!
مش عارفه نمت إزاي بس صحيت مخضۏضة من صوت جرز الباب قومت أشوف مين لاقيت.. لاقيت يوسف!
أنت بجد!
اتجاهل إلي قولته وقال
تليفونك نسيتيه ف جيت أدهولك
ٱ.. آه تمام شكرا
سابني ومشي من غير ما يرد عليا.. قفلت الباب وقعدت وراه وأنا بعيط وبفتكر أنا قبلته إزاي!
FLASH BACK
كنت ماشيه بعيط في الشارع على إلي حصلي وعلى إلي هواجهه لوحدي أكيد أغموا عليا لإني ساعتها محستش بحاجه غير بعد ما صحيت ولاقيت نفسي في أوضة غريبة.. غريبة بس جميلة ومريحة!
دخل عليا شاب وهو متوتر أول ما شافني صحيت جه عليا بسرعة وقالي
أنت كويسة!
ٱ.. أنا أي .. أيوة أيوة
فاكرة حاجه طيب ولا جالك فقدان ذاكرة ولا إيه نظامك!
فقدان ذاكرة إيه أنا فاكرة أيوة بس مش فاكرة أنا جيت هنا إزاي
طبيعي لإنك أغموا عليك في الشارع فمكنتش عارف أعمل إيه جبتك هنا حاولت أفوقك وجبت برفن وبصلة وبردوا مصحتيش ف طلعت برا لغاية ما تفوقي
أنا مش عارفه أشكرك إزاي بجد
عادي يا ستي المهم نروح عند دكتور نطمن ونشوف في إيه
نروح ونطمن ونشوف إممم .. أنت بتجمع ليه
علشان أنا إلي أنقذتك
متشكرين يا عم أنا لازم أمشي بشكرك تاني
لأ إستني تمشي فين لازم تكلي الأول علشان الدوخة
مش هينفع أقعد أكتر من كدا
الدوخة دي أكيد من قلة الأكل مش كدا
ٱ .. أ.. أيوة م من قلة الأكل
أنا عملتلك شوربة وطلبت فراخ تعالي ناكل بقى قبل ما يبرد
مش عارفه أنا سمعت كلامه ليه بس روحت أكلت معاه ولأول مرة من ساعة ما اتولدت آكل مع حد! دايما باكل لوحدي.
صحيح مش هتتصلي بأهلك تطمنيهم
لأ
نعم ليه
ماما اټوفت وهي بتولدني بابا ماټ وأنا عندي 15 سنة معنديش أخوات
هتصل بمين بقى
م مكنتش أعرف أنا.. أنا آسف جدا
ولا يهمك عادي
قوليلي بقى إيه رأيك في الفراخ
المفروض تسألني عن الشوربه لإن أنت إلي عاملها لكن الفراخ من مطعم!
لأ ما هو أنا مبعملش