الضحيه كامله

انا في مصېبة هتخرب بيتي ومش عارفه اعمل ايه انا متجوزه من 4سنين وربنا رزقني ببنت واكرمني ربنا بجوزي وكانه عوض ليا علي اللي شوفته من اهلي وفي حياتي كلها لكن انا كنت اعرف شخص قبل جوازي وحصل بينا..... ومكالمات دلوقتي الشخص ده ظهر في حياتي تاني وبيهددني انه هيبعت لجوزي كل اللي عنده طلب مني 4 الاف جنيه والله العظيم كنت محوشاهم من مصروفي اللي باخده من جوزي بعد مااخدهم طلب مني يعمل معايا علاقه انا رفضت وقولتله مش ه... جوزي لو فيها مۏتي رجع طلب فلوس كمان كانت اخر الف جنيه معايا اخدها ورجع الاسبوع ده طالب مني مبلغ مش معايا انا بسبب بقيت كل شويه بطلب فلوس من جوزي ومحرجه منه عمري ماطلبت منه الا لو هو اللي طلعلي مصروف وغير التوتر واعصابي بايظه بقيت بټرعب لوجوزي جنبي ووصلتله رساله... انا عارفه اني غلطت لاني كنت صغيره وبابا كان رميني انا واخواتي ومفيش رقابه بس انا والله العظيم توبت لله وجزمة جوزي ب 100 من عينه ارجوكم انا مليش اخوات رجاله ولا اهل سند وخاېفه اقول لجوزي برغم انه حنين ومحترم بس خاېفه مايغفرش الغلطه دي اعتبروني اختكم في ورطه ابوس ايديكم قولوا اتصرف ازاي واحافظ علي بيتي من ابن الحړام ده

تعالوا احكيلكم حكايتي من البدايه إلي في البدايه بعترف إني غلطت أنا إسمي هناء من قرية تابعه لمحافظه الدقهليه
متجوزه دلوقتي بقالي خمس سنين من شخص محترم وابن ناس وبحبه اوووي لأنه عوضني على كل إلي شوفته في حياتي إلي آسيت فيها كتير
وهارجع للزمن ورا شويه واعرفكم المعاناة إلى أنا كنت فيها
أمي ماټت وأنا عندي ٦سنين يعني يادوبك مش فاكره شكلها إلا من الصور بتاعتها
اتحرمت من حضنها وحنانها واتيمتت أنا وأخواتي البنات إلي كان عددنا أربع بنات
وبعد ماماتت أبويا إلي كانت طباعه سيئه جداا ما انتظرش يعدي الأربعين وراح اتجوز وجاب لينا مرات أب
مرت الأيام ومرات أبويا كانت بتعاملنا معامله وحشه اووووي
مهما حكيت مش هلاقي كلام يعبر على معاملتها السيئه ليا أنا وأخواتي وطبعا أبويا ازدات معاملته للأسوأ بعد زواجه منها لأنه كان بيسمع كلامها في كل حاجه
ولما كبرنا شويه شغلنا بأمر منها اشتغلنا كل أنواع الشغل إلى في الدنيا
لدرجة إننا اشتغلنا في الفاعل مع الرجاله
طفولتي ماعشتهاش
ولما بدأت أفهم بدأت نفسيا أتعب واحزن على حالى لما كنت بشوف البنات إلي في سني واقارن نفسي بيهم
لما كنت بلاقي نفسي اتجردت من الحنيه إلي عمري ما حستها
ولما دخلت في فترة المرهقه ابتدا الشعور يراودني علي طول كان نفسي حد يعوضني عن الحنيه إلي فقدها في حياتي
لحد ما دخلت الدبلوم أنا خريجة دبلوم تجاري
اتعرفت على شاب لقيت في العوض وحسيت