عشقت البارت 5 و 6
انت في الصفحة 1 من صفحتين
____بارت ٥
____بارت٦
بابا كان وحيد الله يرحمه بس بعد الي شفته وحب الناس عرفت انه عنده عزوة
الكل بيتسابق يخدمنا لدرجة ان في حد من صحابه عمله سبيل مياه
ولما عدا اسبوعين تقريبا ماما كلمتني اني لازم انزل اشوف شغل بابا واتابع مكتبه وافكر هنعمل ايه هاتشغل مكانه ولا هنقفل
قلتلها مكتب بابا مش هايتقفل واسمه هايفضل في السوق
نزلت روحت المكتب قعدت مع محاسب بابا ولقيت ان في شغل لازم يخلص انا عارفة شغل بابا ماشي ازاي
بدأت اتابع الشغل واشرف عليه مكان بابا
الكل كان مبهور في خلال اسبوع الشغل خلص والمكتب كان شغال اكن بابا موجود
وكل يوم امجد كان بيتصل ويتطمن عليا وبيقول ان الشغل مستني وقت مااحب ارجع
قلت لنفسي ياترى ايه هو الموضوع
قلت لنفسي خير يارب
كنت في المكتب قلتله اني في المكتب
قالي ينفع اجي قلتله اتفضل طبعا
كنت قاعدة باراجع الحسابات
وسرحت محستش بالوقت غير وعم محمود الي شغال مع بابا طول عمره ودراع بابا اليمين الله يرحمه
بيقولي ان في بيه برة اسمه امجد عاوزني
امجد دخل بابتسامته واناقته والي بمجرد ماشفته حسيت اني شايفة بابا بس على اصغر
نفس الحنان والعقل والهدوء
ابتسمت وضايفته رفض بس انا صممت
طلبتله قهوته
وبدأ يشربها قلتله انا كنت هاطلب منك نتقابل انا مش عارفة اقولك ايه ولا اعمل ايه بخصوص شغلي معاك انا مشغولة هنا
بابا طول عمره مكانه ثابت في السوق مهما اتغيرت الاحوال هو كان بيفضل شغال
وحاليا في اكتر من مشروع جديد واحنا داخلين فيه وماينفعش اعتمد على حد هنا
وحضرتك وقفتك جنبي بجد مش قادرة اقولك انا ممتنة ازاي ليك وجميلك في رقبتي
بس قولي اعمل ايه
كل دة وهو بيبتسم وبيسمع واخيرا نطق وقالي
الحل انك تفضلي هنا وبرضه تفضلي معايا
قالي
تفتكرو قال ايه
عشقت_متمردة
بارت٦
قلت له انا مش فاهمة حاجة
قالي هافهمك ولكن تليفونه قاطعه فضل
يرن ورسايل عالواتس
قالي انا لازم امشي عشان مجدي اخويا المچنون عمل مصېبة اكيد ولازم اروح اشوف والم وراه
تسمحي نتغدا سوا متأخر واقولك على كل حاجة
قلت له اوك بس ان شاء الله خير انا للاسف معرفتش اخواتك الأتنين خالص
واستئذن ومشي
شوية ولقيت اتصال من ماما بتطلب مني اتصل بالمحامي عشان كذا مره يتصل عاوزني بموضوع مهم جدا يتعلق بالميراث وانا كنت مشغولة جدا
روحت البيت وطلبت المحامي استاذ عباس راضي ودة محامي كبير جدا وصديق لبابا وماسك الشئون القانونية لشغلنا
بعد ماقعد وسلم علينا اتفاجئت انا وماما ان بابا الله يرحمه ويغفر له كتب كل مايملك باسمي
