اسكريبات كامل

سكريبت كامل 
عملتي ايه ف نتيجة التحاليل
قالي كده اول ما خرجت من العيادة عيطت واترميت ف حضنه واتكلمت بشهقات
_ المړض رجعلي يا مراد الکانسر رجع 
مطبطبش عليا ولا شدد ع حضني فخرجت من حضنه كان وشه متحجر من الصدمة وعينه محپوس فيها دموع حطيت ايدي ع خده وكلمته
_ مراد انا 
قاطعني بأسى
لينا بيت نتكلم فيه يا هبة
مشيت وراه وركبت العربية ووصلنا البيت ف هدوء واول ما قفل الباب اتكلمت وانا بعيط
_ اتجوز يا مراد 
بس يا هبة
صوت عياطي علي
_ مبسش يا مراد اتجوز انت بني ادم ومن حقك تعيش بس بس عشان خاطري عشان خاطر اي حاجة حلوة كانت بينا متسيبنيش حضنته جامد متسبنيش يا مراد 

شدد على حضني وباس راسي ونيمني ف حضنه ع السرير وسمعت صوت عياطه
عمري ما هسيبك يا هبة هتخفي وهتبقى كويسة 
فضل يقرأ قرآن ع راسي وانا بعيط كنت ډافنة وشي ف كتفه وصدره مستخبية من المړض اللي ف جسمي تعب الكيماوي هيرجع تاني وشعري هيقع تاني وتعب مراد معايا هيرجع تاني والله أعلم هخف ولا ربنا كاتبلي حاجة تانية 
فضلت تلت شهور بتعالج وكان على طول شايلني ومبيتكلمش لحد ما ف مرة رجع البيت وقعد كنت حاسة بيه وباللي جواه هو بيحبني بس هو انسان ف الاخر ليه احتياجات قعدت جانبه
_ عامل ايه يا حبيبي 
اخدتي الدوا ونمتي وجهزتي عشان جلسة بكره 
_ الحمد لله بس بسألك انت عامل ايه مالك 
اتكلم بحزن
انا كويس يا حبيبتي انا بس 
_ اتجوز يا مراد 
بصلي بيأس
انت بتقولي ايه يا بنتي ماينفعش طبعا انا بحبك ومبحبش غيرك مقدرش اعمل فيكي كده وبعدين مين هياخد باله منك
بيصيتله بابتسامة ودموع
_ انت هتاخد بالك مني يا حبيبي بس انا كده بعرضك انك تقع ف حاجة حرام انت انسان ومحتاج حاجات انا مش هعرف اديهالك عشان مرضي اتجوز يا مراد ده حقك الشرعي 
باس راسي وحطها ع صدره وطبطب عليا
بتحبيني اوي كده 
دمعت ومسكت ف قميصه
_ مبحبش قدك ايه رأيك ف مروة بنت عمك 
أنت اټجننتي رسمي 
_ روح اتقدملها طيبة وهتصونك وتبقى كسبت ثوابها انت عارف انها مطلقة 
دمعنا ف حضني بعض ونمنا عدى شهرين بزن عليه كتير وبعد الحاح طويييييل اخيرا وافق وراح اتقدم والمفروض النهاردة كتب كتابه عليها اسم واحدة غيري هيتكتب ع اسمه وهيبقى ف حضن واحدة تانية من النهاردة انا بحبه بس الموضوع أصعب مما تخيلت كنت بعيط بحړقة وضميت رجلي ليا واستسلمت للنوم
في وسط المباركات والزغاريط حسيت ان قلبي مش مطمن انا عمري ما هحب مروة زي هبة ولكن مش ده كان سبب قلقي انا كنت قلقان ع هبة! سيبتهم كلهم وفضلت ارن عليها مبتردش لحد ما ردت ف الاخر لاقيتها بتتكلم بصعوبة 
ازيك يا يا حبيبي عملت ايه 
انت كويسة 
_ انا ك كويسة سايب عروستك ليه
كنت بطمن عليكي بس انت متأكدة انك كويسة اجيلك 
_ متسيبش عروستك ضحكت بتعب عاوزة وحش 
دمع
مع السلامة يا حبيبتي هاجي اطمن عليكي بكره 
_ ق قولتلك خليك خ خليك معاها.. مع السلامة
بدأت اصوت وكان ف ايدي كذا كانيولا خرجتهم بسرعة وفضلت اعيط بهستيرية لحد ما فقدت الوعي الباب اتكسر ودخل جراننا هايدي واستاذ إياد زوجها وبدأت تفوقني ومافيش فايدة فاخدوني ع المستشفى
هايدي خير يا دكتور هي كويسة